Autore: Lauma Nagle, Kuorsovys vydsškola, 11.b klase

Sirdsprīks 

Pasaver uorā pa lūgu,
Pastuosti, kū redzi!
Pasoki pasauļam, i jis tev atsasauks,
Taipat kai es smaidu sauleitei, i jei maņ – atpakaļ.
Dori darbeņus nu sirds,
Lai pasauļs teireibā speid!
Giusi prīku nu tuo, kū izdareisi,
Reizē ar lobu cytim paleidziesi!
Pasaskot’ pa lūgu –
Bolts skots tī ruodīs:
Zeileite prīceigi dzīd pi lūga,
Školuotuoja muoca školānus,
Muote audzynoj bierneņus,
Prezidents pījem lāmumus!
Izdūmoj sovus mierķus,
Sasnīdz augstuokuos tuolīnis!
Pasaskot’, kai pasauļs skrīn –
Laiks pīspīž cylvākim steigtīs…
Bet tu apsastuoj i padūmoj,
Kū tev vajaga – kas tovu sirdi prīcej!
Apgierb boltu kraklu, suoc dīneņu ar boltom dūmom!
Kod smaideisi cylvākim,
jī staiguos ar lobim vuordim.
Saved sīnu pyunē – lūpeņim byus kū ēst.
Nūpļauņ zuoli pogolmā – piedeņom byus pateikami.
Sataisi saimei pušdīnis – byus, kas tev pasoka paļdis!
Uzroksti bārnim puorsoku – sirdīs tei byus jim pyrms mīga.
Īsamuoci sirsneņu prīcēt sovu,
Lai vysi, kas apleik, radz smaidu tovu!
I sirds lākos aiz prīka,
Īsakuoruse mienesnīkā,
Sirds lākuos aiz prīka,
Īsavāluse šiupeļteiklā.
Iz breidi eisu,
Bet viņ pa tīsai eistu,
Apdūmoj sovys vielmis,
Kurys stuodi kai kūkus.
Stuodūt tūs ar mīlesteibu,
Dori vysu ar aizrauteibu
I redziesi –
Vysi dorbi izadūs!
Tev smaideis pasauļs
Maņ – zalta saule.
Karteņa: Intys Valainis zeimiejums