Vokaluo grupa “Skonai” vosoru īskandynoj ar koncertu

Vokaluo grupa “Skonai” vosoru īskandynoj ar koncertu

Suocūtīs vosorai, ari Rēzeknis nūvoda vokaluo studeja „Skonai” 8. junī 17.00 Rēzeknis nūvoda pašvaļdeibys zalā tū īskandynuos dzeļvērtis kruosuos.

Koncertā skanēs gon latgalīšu tautysdzīsmis, gon latvīšu originaldzīsmis, kai ari cytu tautu muzyka. Eipašī gosti – Reigys Tehniskuos universitatis jaunīšu vokaluo ansambļa kvartets „Jauna Nianse” (muokslinīcyskuo vadeituoja A. Dreģe). Latgalīšu tautysdzīsmis Guntrys Kuzminys apdarē dzīduos vokalais ansamblis „Knids”, kas gatavejās Dzīšmu svātkim, kab prīcātu klauseituojus ar koncertmaratonu Vacreigys īluos.

Vokaluos studejis „Skonai” muokslinīcyskuo vadeituoja Guntra Kuzmina soka, ka „Skonai” dalinīki ir cīši salīdāti i dorbojās kai komanda. Eipaši jaunuokuo grupa. Bārni vaira navar īsadūmuot sovu kasdīnu bez vokaluo ansambļa mieginuojumim Rēzeknis nūvoda pašvaļdeibys telpuos. Ari videjuo i vacuokuo grupa cīteigi gatavej koncertam kai dzīsmis, tai dejis. Koncerta nūslāgumā vysi vokalī ansambli apsavīnuos kūpeigā dzīsmē.

Vosorā vokalajai studejai „Skonai” paradzāti vairuoki koncerti, kai ari uzastuošona Rēzeknis nūvoda dīnuos.

koncerts skonai

Karteņā – “Skonai” jaunuokuo grupa, publicitatis karteņa
Sagataveja LaKuGa, piec “Skonai” informativuo materiala

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]