Uzjiemiejdarbeibys seminars Kuorsovys nūvodā

Uzjiemiejdarbeibys seminars Kuorsovys nūvodā

1185622_741520745881460_1956839391_nKuorsovys nūvoda Jaunīšu centrs “Pūga” aicynoj pīsadaleit bezmoksys seminarā “Step up!”, kur kūpā ar uzjiemiejim i trenerim byus īspieja veiduot pamatus sovai uzjiemiejdarbeibai. Seminars nūtiks atpyutys nomā “Akmensligzda”, Mežvydūs, 29. martā 11.30.

Seminarā ar sovu pīredzi daleisīs veiksmeigi Latvejis uzjiemieji – ols dareitovys “Valmiermuiža” saiminīks Aigars Ruņģis, vīns nu Kuorsovys nūvoda leluokajim uzjiemiejim, Z/S “Lūsēni” dybynuotuojs Andris Ļubka, Kuorsovā dzymušuo audiovizualuo uzjāmuma “Certes” vadeiba i Rēzeknis Biznesa inkubatora IDEJU VIESNĪCA vadeituojs Māris Igavens.

Ar rodūšuma nūzeimi kasdīnā i uzjiemiejdarbeibā, īpazeistynuos diveji treneri: rodūšais dūmuotuojs i dareituojs Jānis Vītols i bīdreibys “Piedzīvojuma Gars” naformaluos izgleiteibys treners Atis Ķeņģis.

Kūpā ar trenerim lītys i procesi tiks apsavārti nu vysvysaidim skotu punktim, byus īspieja praktizētīs rodūšuma pamatūs, taipat byus ari darbneica par sovu rūbežu paplašynuošonu mierktīceibā, rodūšā rysynuojumu vaicuošonā, seve discipliniešonā veiksmeigu ideju realiziešonai.

Seminarā pīsadaleit teik aicynuots sevkurs jaunīts, kuru interesej uzjiemiejdarbeibys atteisteibys īspiejis sovā pošvaļdeibā.

Dasasaceišona i vaira informacejis par seminaru: 28343926

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 13 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]