Myužeibā aizguojs Bronislavs Spridzāns

Myužeibā aizguojs Bronislavs Spridzāns

Šudiņ, 1. aprelī, piec eisys, bet gryutys slimeibys myužeibā aizguojs radejis žurnalists Bronislavs Spridzāns.

Atsavadeišona nu Karmela klūstera bazneicys Ikškilē, Smiļšu īlā 15, sastdiņ, 5. aprelī 13.00 iz Ikškilis Lozdukolna kopim.

Bronislavs Spridzāns dzims 1941. goda 5. februarī Rēzeknis nūvoda Nagļu pogostā zemnīku saimē.

Vuiciejīs Naglū pamatškolā, Viļānu vydsškolā i Latvejis Universitatis Ekonomikys i juridiskuos fakultatis tīseibu zynuotņu specialitatis vokora nūdaļā.

Bronislavs Spridzāns struoduojs fabrikā, autokolonnys kadru daļā, Vaļsts Guņsdzieseibys puorvaļdē, Vaļsts arhivā, Salaspiļs memoriala ceļtnīceibā, Īšklītu ministrejis gazetā.

Nu 1968. goda 17. oktobra Bronislava Spridzāna dorba vīta beja Latvejis Radeja. Bejs i vacuokais redaktors, i programu vadeituojs vysaidūs raidejumūs – “Dzirkstele”, “Mikrofons”, “Junda”, “Mūsmājas”, “Būt latvietim” i cytūs.

Vysilguok – nu 1989. goda 2. apreļa leidz 2012. goda 11. oktobram – gataveits i vadeits raidejums “Latgale” (“Latgolys Vuords”), kurs skanēja i Latvejis Radejis pyrmajā, i ūtrajā, i caturtajā programā.

Paraleli tam nu 1990. goda jis paleidziejs veiduot cīši daudzu Latvejis mozuokumtauteibu kulturys bīdreibu programys, kai ari Latvejis Nacionalūs kulturys bīdreibu asociacejis raidejumu “Mēs visi”.

Piec 2012. goda Spridzāns turpynuoja dorbuotīs Latvejis Radejis uorštatā.

Kūpā ar sīvu, rakstneicu Birutu Eglīti izaudzynuoti treis bārni, kuri, kai uzsvēre pats Bronislavs Spridzāns, dzeivoj i struodoj tepat, Latvejā.

2010. godā Bronislavs Spridzāns sajēme Latgalīšu Kulturys goda bolvu “Boņuks” par myuža īguļdejumu latgalīšu kulturā.

Myužeigu dusiešonu dūd jam, Kungs, i myužeiguo gaisma lai atspeid jam myužam.

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]