Daugovpilī nūtiks Baļtejis studentu Dzīšmu i deju svātki

Daugovpilī nūtiks Baļtejis studentu Dzīšmu i deju svātki

Nu 27. leidz 29. juņam Daugovpilī nūtiks 17. Baļtejis vaļstu studentu Dzīšmu i deju svātki “Gaudeamus”.

Vosorys lelais studentu nūtykums  teik veiduots kai festivals,  kurā tradicionalī koru i deju  koncerti byus papyldynuoti ar atseviškom nūtikšonom, kuruos pīsadaleis studenti  ar vysaidom izpausmis formom. “Gaudeamus” – jauneibys svātku –  programys repertuars  izstoruos jauneibys degsmi, mīlesteibu i  rodūšū energeju. Daugovpiļs Universitate kūpā ar svātku organizatorim turpynoj gataveitīs itim grandiozajim studentu svātkim. Apzynuotys vysys īspiejis dalinīku izmytynuošonai, saskaņuoti sareikuojumu plani i īguoduots pasuokumim vajadzeigais inventars.

17. Baļtejis vaļstu dzīšmu i deju svātki tiks atkluoti 27. juņa vokorā ar pyutieju orkestru koncertu Daugovpiļs Marka Rotko muokslys centrā, bet dīnys pyrmajā pusē centrā pyrmū reizi festivala viesturē tiks atkluota Baļtejis vaļstu muokslys augstškolu rektoru dorbu izstuode.

Festivala ītvorūs pyrmū reizi nūtiks ari simfoniskuos muzykys koncerts, kurā kai solisti uzastuos vysu svātku daleibvaļstu muzykys augstškolu rektori. Piec simfoniskuo koncerta nūtiks “Gaudeamus”  luopu īdegšona i vysu dalinīku luopu guojīņs, kas suoksīs pi Daugovpiļs Universitatis i nūsaslēgs pi M. Rotko muokslys centra, kur nūtiks “Gaudeamus” svātku atkluošona, pyutieju orkestru koncerts, bet vāluok piļsātā nūtiks “Studentu nakts”,  kur vysaiduos Daugovpiļs vītuos – īluos, pogolmūs, kulturys ākuos – studenti sovim kolegim i gostum ruodeis deju performancis i izruodis. Byus īspieja redzēt ari Latvejis i sābru vaļstu kinomuokslys studentu veikumu.

28. junī sevkurs byus aicynuots pi Daugovpiļs Universitatis, lai baudeitu Latvejis, Lītovys i Igaunejis koncertprogramys. Sovukuort vokorā Daugovpiļs Olimpiskajā centrā vysus prīcynuos Tautys deju lelkoncerts.

Kai atzeimoj svātku organizietuoji, turpynojūt tradiceju, nūslādzūšajam koncertam tyka radeits jauns skaņdorbs, itūreiz tys ir komponista Ērika Ešenvalda i dzejnīka Jāņa Petera kūpdorbs – dzīsme “Tava ir jaunība mana”, kas izskanēs festivala pādejā dīnā, 29. junī, Strūpu estradē.

Aktualuokuo svātku nūrisis informaceja – www.facebook.com/Gaudeamus2014

Ziņa sagataveita piec pasuokuma organizatoru dūtuos informacejis

 

Print Friendly, PDF & Email

Nūtikšonu kalendars

Mar
31
Pīk
10:00 Akceja “Satiec savu meistaru”
Akceja “Satiec savu meistaru”
Mar 31 @ 10:00 – Apr 2 @ 18:00
Nu 31. marta da 2. apreļa sevkuram interesantam ir vareiba apmeklēt vaira nakai 250 vysaiduoka veida omotu meistarus i īsasaisteit praktiskuos nūdarbeibuos, meistarklasēs i lekcejuos. Akcejis “Satiec savu meistaru” mierkis ir radeit interesi, izpratni i[...]