Grupa “ElektroFolk” prezentej pyrmū albumu

Grupa “ElektroFolk” prezentej pyrmū albumu

Šudiņ, 28. majā, Reigā, Muzykys i teatra restoranā “Happy Days&Nights” nūtiks grupys “ElektroFolk” pyrmuo albuma “Elektro” prezentaceja. Albumā īkļautys ari dzīsmis latgalīšu volūdā.

Albumā apvīnuoti originali i jaudeigi aranžejumi. Grupys muzykai pīmeit unikals hibridskaniejums,
pīsuotynuots ar autentisku latviskuo etno melodiskumu, kas epizodiski sasavīnoj ar cytu tautu
muzykys intonacejom, spieceigu energetiku, ambientu eiforeju i osim kontrastim. Dzīšmu
tekstu pamatā ir myusu senču gareiguo montuojuma – Dainu vuordu dzeiveibys spāks, kas atkluoj
latvīšu tradiceju senatneiguma burveibu, bet tymā pošā laikā grupys skaniejums ir myusdīneigs,
dinamisks i profesionals.

Muziķu apvīneiba “ElektroFolk” dybynuota 2012. godā. Grupys sastuovā ir Latvejā labi pazeistami
muziķi:
Kristīne Kārkle-Puriņa — dzīduotuoja i vijūļneica,
Ilze Grunte – 12 steigu gitarys, akustiskuos basgitarys, elektriskuos gitarys i mandolinys virtuoze,
Edgars Kārklis – ilggadiejs dūdu i bungu grupys “Auļi” dalinīks i multiinstrumentalists,
Artis Orubs – bundzinīks, Latvejis Muzykys akademejis sytamūs instrumentu klasis pasnīdziejs i izcils džeza muzikis,
Ainārs Majors – basgitarists, grupys dybynuotuojs i tuos vadeituojs, skaņu īrokstu producents.

Grupys dzīsmis var nūsaklauseit ite.



Print Friendly, PDF & Email

Kalenders

Jun
16
Svā
all-day Izstuode “Juoņs nu Dzeņagola” @ Latgolys Kulturviesturis muzejs
Izstuode “Juoņs nu Dzeņagola” @ Latgolys Kulturviesturis muzejs
Jun 16 all-day
Izstuode byus veļteita muokslinīkam i literatam Juoņam Trūpam (1924-1989), pīmynūt jū symtgadē. Koč i sovys dzeivis leluokū daļu J. Trūps ir pavadejs trymdā, dzeivuodams ASV natuoli nu golvyspiļsātys Vašingtonys, vystik vysu sovu rodūšū darbeibu, breivū[...]
all-day Jevgenija Bondarenko izstuode “D... @ Latgolys Kulturviesturis muzejs
Jevgenija Bondarenko izstuode “D... @ Latgolys Kulturviesturis muzejs
Jun 16 all-day
Muokslinīks Jevgenijs Bondarenko ir riezeknīts i ar gleznīceibu nūsadorboj nu Latvejis Muokslys akademejis Latgolys filialis absolviešonys 2011. godā. Gleznuotuojs aktivi īsakļaun muokslys dzeivē, pīsadolūt kūpejuos Latgolys muokslinīku izstuodēs i plenerūs. Sovu pyrmū personalizstuodi “Maiguma ārprāts”[...]
all-day Karīnys Ludbuoržys izstuode “Zie... @ Latgolys Kulturviesturis muzejs
Karīnys Ludbuoržys izstuode “Zie... @ Latgolys Kulturviesturis muzejs
Jun 16 all-day
Riezeknīte Karīna Ludbuorža piec garuoka laika pūsma, kod turpynuoja muokslys studejis Vuocejā doktoranturys programā, otkon pīduovoj sovu dorbu izstuodi Latgolys Kulturviesturis muzejā. Muokslineicys jaunuokī dorbi aplīcynoj juos interesi par viesturi i vysaidu pasauļa tautu mitologeju.[...]