Vosoruošona – 2014

Vosoruošona – 2014

Viņ vysi kūpā varom mes ceļt
Augšā iz kolna tū akmini veļt.
( Elvīra Lavrinoviča)

Školuotuoj, aicynojam Tevi atsapyust piec garuo dorba cielīna, rast jaunys idejis, apmeklejūt školuotuoju i studentu vosorys kursus “Vosoruošona”, kas nūtiks Baļtinovā nu 27. – 31. juļam.

Aicynojam pīsadaleit školuotuojus i studentus, kas gryb styprynuot latgaliskū pošapziņu, daleitīs pīredzē, satikt dūmubīdrus i vyspuor jaukus cylvākus i, prūtams, labi atsapyust i smeļtīs spāku jaunam dorba cielīņam. Itūgod kursu golvonuo tema – nūvodmuoceibys i latgalīšu volūdys vuiceišona školā.
Nūdarbeibys byus latgalīšu rokstu volūdā, literaturā; īpazeisim metodis, kai struoduot; kūpā dorbuosimēs pi muoceibu leidzekļu veiduošonys; tiks organizeita ekskurseja pa Baļtinovys nūvodu.
Byus daudzveideiga atpyuta. Uzzynuosim, kai veseleigi dzeivuot, kai dūmuot lobu. Lektori – Latvejis Universitatis, Rēzeknis Augstškolys i cyti specialisti.

Gaidom Tevi, školuotuoj, ka sovim audzieknim jau vuici saskateit sova nūvoda boguoteibys, gaidom Tevi, ka grybi tū dareit. Kursu beiguos tiks īdūta aplīceiba.

Pīsoki sovu leidzdaleibu, aizpyldūt i syutūt dasaceišonys anketu iz e – postu: lvlksa@inbox.lv

Pīteikumus gaidom leidz 11. juļam. Daleibys moksa EUR10. Moksuot ar puorskaitejumu.
Rekviziti:
LVLKS asociācijas nodibinājums
Rģ. Nr. 50008056771
Swedbanka, konts Nr.LV53HABA0551025080062

Dalinīkim piec pīsasaceišonys atsyuteisim seikuoku informaceju par vysu, kas sagaida juļa dīnuos i naktīs.

Vaira dazynuošonys: Veronika Dundure (t.26481524) ; Imants Slišāns (t.26522144).

Print Friendly, PDF & Email

Kalenders

Feb
23
Pīk
18:00 Ūtrais čangaļu saīts ci latgalīš... @ Ūzulainis tautys noms
Ūtrais čangaļu saīts ci latgalīš... @ Ūzulainis tautys noms
Feb 23 @ 18:00 – 23:00
23. februarī nu 18.00 da 23.00 stuņžu Ūzulainis tautys nomā nūtiks ūtrais “Čangaļu saīts ci latgalīšu olimpiade”, aicynojūt iz prīceigu i gordu laika pavadeišonu latgaliskā atmosferā. Tei nav tipiska olimpiade, jo tamā varēs: pasasmīt par[...]
Feb
24
Sai
14:00 Koncertizvadums “Atgriežamies La... @ Latvejis Nacionalais teatris
Koncertizvadums “Atgriežamies La... @ Latvejis Nacionalais teatris
Feb 24 @ 14:00 – 16:00
Latgolys cylvāku spāks i humora dzierksts, kai ari vaira nakai 100 nūspālātys “Latgola.lv” izruodis īdrūsynuojušys autorus taiseit koncertizvadumu “Atgriežamies Latgolā”. Itamā kompanejā ir apsavīnuojuši režisors Valdis Lūriņš, komponists Valdis Zilveris, dzīšmu tekstu autors Jānis Peters,[...]