Itūrudiņ ceļu pi klauseituoju atrūn grupys “Dabasu Durovys” trešais studejis albums, ar nūsaukumu “Bāka”. Albumā īkļautys 11 dzīsmis. Naatjemama grupys sovpateiba ari itūreiz – vairums albuma dzīšmu teksti ir latgalīšu volūdā.

Īroksti topuši grupys studejā Daugovpilī, kai ari Arņa Slobožaņina i Romāna Sladža sātys studejuos. Īrokstūs pīsadaleja grupa “Dabasu Durovys” (Arņs Slobožaņins, Egils Kulmanis, Romāns Sladzis, Aleksandrs Tamans, Kristaps Strods, Valdis Rundzāns), kai ari gosti: Evija Smagare, Dārta Stašāne, Tatjana Larionova, Andris Jurāns i Armands Ozoliņš. Dzīsmis miksēja Armands Treilihs, albuma masteringu veice Nicolas Dawes (Franceja). Vuoceņa dizainu veiduoja Aivars Bulis.

Vysi klauseituoji teik aicynuoti iz albuma prezentacejis koncertim 4. septembrī, Park Hotel Latgola restoranā “Plaza” (Daugovpilī), 12. septembrī Reigā (Latvejis pyrmajā rokkafejneicā), 19. septembrī, Rēzeknē (Koncertzalā “Gors”).

Albumu CD formatā var nūpierkt veikalūs “Randoms” i “Upe”, kai ari cytur Latvejā.