Izstuode “Portrets gleznuos i grafikuos” Preiļūs

Izstuode “Portrets gleznuos i grafikuos” Preiļūs

Leidz 30. novembram Preiļū golvonajā bibliotekā apsaverama izstuode “Portrets gleznuos i grafikuos” nu Preiļu viesturis i lītiškuos muokslys muzeja kruojuma.

Portrets ir vīna nu svareiguokajom pasauļa viesturis temom. Eipaši daudzveideigs ir gleznuotais portrets, kas daudzu godu symtu gaitā eiropeiskuos kulturys ītvorūs palics par vīnu nu golvonajim tāluotuojmuokslys žanrim.

Dažaidūs portreta muokslys atteisteibys periodūs tāla sakriteibys pakuope ar modeli varēja byut dažaida – portrets beja voi nu naturalistisks, voi idealizāts, voi abstrahāts -, tok zynoma atbiļsteiba modeļam vysod tyka skaiteita par rakstureigu ituo žanra īpašeibu.

Daudzim 20.gs. suokuma portretim pīmeit tradicionalais naturalisms, portretiskais tāls tyka pīleidzynuots vizualajai realitatei, uzsvārti detalizejūt tāluojumu, i reprezentēt, i aprokstūši fiksēt modeli. Portretejamuo socialū statusu, juo dīnasta pakuopi cytreiz nūruodeja gūda zeimis voi – rešuok sarežgeitu kompoziceju gadīņūs – kaids aksesuars. Svareigs itymā aspektā ari svātdīneigs, kuorteigs mūdis tārps, sakuortuota – ari mūdis frizura.

Akcents, kū, pasasokūt impresionisma izraiseitajai “revolucejai”, īzeimoj 20. godu symta suokums ir plenera, leidz ar tū ari gaismys i dobys motivu, īīšona portretā i muokslinīka atsabreivuošona nu naturalisma, dobys kopiešonu atstuojūt fotografejis ziņā i vaicojūt cytu “realitati”.

Reizem gleznīceiba i grafika ir vīneigi formys vaicuojums, kod mierkis ir nūkluot gleznys plakni ar linejom i kruosom. Itymā gadīnī cylvāka figura ir tik vīns nu sižetiskūs motivu, i muokslinīks tū attāloj taipat kai puorejūs objektus, atsasokūt pīškiert tai psihologiskys voi eipašys dramatiskys nūzeimis.

Izstuode ir nalels pīskuorīņs portreta žanram, kurā apsaverami i parosti portreti, i figuralys kompozicejis, i laikmatam rakstureiguos īzeimis muokslinīku dorbūs. Vairuoku autoru dorbūs (A. Zelčs, V. Kokorevičs, J. Plivda  i cyti) portretāti i regiona, i ari Preiļu nūvoda cylvāki. Pītera Gleizdāna (1934-2013) draudzeigī sarži atainoj tyvys, ar izcylom rakstura īpašeibom apveļteitys personeibys, kurys roda, vaicoj i papyldynoj kulturys vierteibys, līkūt skanēt Latvejis vuordam pasaulī.

20141103_portrets_izstade

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.