Naujinis pogostā nūtiks folklorys kūpu sasadzīduošona

Naujinis pogostā nūtiks folklorys kūpu sasadzīduošona

Svātdiņ, 13. septembrī Naujinis pogosta Juzefovys parkā nu jau catūrtū reizi nūtiks folklorys kūpu sasadzīduošonys pasuokums “Atvasara Juzefovā”, kas suoksīs 10 stuņdēs ar Svātū Mišu Jezupovys Sv. Pītera i Puovula Rūmys katuoļu bazneicā, piec kuruo 11.30 Juzefovys parkā iz rodūšajom izdareibom i sasadzīduošonūs puļcēsīs 11 folklorys kūpys nu vairuoku nūvodu. Sovukuort nu 11.00 da 14.00 Naujinis nūvodpietnīceibys muzejs pīduovuos bez moksys apsavērt muzeja ekspozicejis i izstuodis.

Kai informej Naujinis kulturys centra vadeituoja Olga Kuzmina, pasuokumā pīsadaleis Daugovpiļs nūvoda kolektivi – Naujinis kulturys centra folklorys kūpa “Rūžeņa” (vad. I. Zeile), Dubnys pogosta folklorys kūpa “Atzola” (vad. M. Umbraško), Ambeļu kulturys noma folklorys kūpa “Speiga” (vad. I. Skutele), Vabalis etnografiskais ansamblis “Vabaļis” (vad. A. Uškāns), Daugovpiļs nūvoda kulturys centra folklorys kūpa “Dyrbyni” (vad. A. Briška), Daugovpiļs LKC folklorys kūpa “Dzīsme” (vad. L. Vaivode), Kruoslovys nūvoda kolektivi – Iudreišu pogosta folklorys kūpa “Rudzutaka” (vad. A. Tuče), Izvolta folklorys kūpa “Izvoltīši” (vad. A. Leikuma), Izvolta folklorys kūpa “Mozī latgalīši” (vad. S. Styureņa), Vuorkovys nūvoda folklorys kūpa “Vecvārkava” (vad. R. Kairāns) i Īlyukstis nūvoda Bebrenis pogosta folklorys kūpa “Ritam” (vad. R. Kalvāne).

Pasuokums teik reikuots ar Latgolys regiona atteisteibys agenturys, Vaļsts kulturkapitala fonda, A/S “Latvijas valsts meži”, Daugovpiļs nūvoda dūmis i Naujinis pogosta puorvaļdis finansialu atbolstu.

afisa (2)

Print Friendly, PDF & Email

Kalenders

Jun
19
Tre
13:00 Latgolys muzykys i muokslys vyds... @ Latgolys viestnīceiba "Gors"
Latgolys muzykys i muokslys vyds... @ Latgolys viestnīceiba "Gors"
Jun 19 @ 13:00 – 15:00
Marts Dreļs – Koncertprograma “Cikliskās pārdomas”. Marts muzykali īsatekmiejs nu tautys, džeza i akademiskuos muzykys. Koncertā izskanēs div Marta Dreļa originalkompozicejis: “Aiz stūra” i “Kādā veidā?”. Marta muzykalī celi nuokūtnē vess iz Kopenhagenu, kur jis[...]
Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]