Latvejis Radejis 2 reikuotajā dzīšmu aptaujā Muzykaluo Banka paziņuotys 25 vierteiguokuos dzīsmis, kas turpynuos ceiņu par klauseituoju goda meiluokuos dzīsmis gūdu. Itūs dzīšmu vydā ari grupys “Dabasu Durovys” kompoziceja “Šūpuļdziesma”.

Nūslāguma bolsuojums nūteik divejuos kuortuos: da 30. decembra (1. kuorta) īspiejams bolsuot par vysom 25 dzīsmem, nu kuru 10 dzīsmis tuoluokai ceiņai nasakvalificēs, bet nu 2. da 15. janvara (2. kuorta) – par 15 lobuokajom. Bolsuot par goda vierteiguokū dzīsmi īspiejams reizi dīnā par 1 dzīsmi:

– muzikalabanka.lv 

– portalā nra.lv 

– portalā draugiem.lv 

15 vierteiguokuos dzīsmis byus vareiba dzierdēt dzīšmu aptaujis apbolvuošonys ceremonejā, kas tradicionali nūtiks Olimpiskajā centrā “Ventspils” 23. janvarī.

Finala bolsuojumā tykušys itaidys dzīsmis:

Alvas sirds – Fēlikss Ķiģelis
Bez pēdām smiltīs – Evija Sloka
Dievs man deva – Ūdris & Balode
Dieviņš – Dons
Flirts – Samanta Tīna
Ir jādodas – Gain Fast
Ir tik karsts – Juoņs Stībelis
Kopā – Otra Puse & Antra Stafecka
Laika dziesmiņa – Triana Park
Mazais Vilciņš – Jauno Jāņu orķestris
Mājās – Sabīne Berezina
Nekas jau nebeidzas – Ivo Fomins
Par klauniem – On My Way
Pat nejautā – Tumsa
Pavasaris – Aija Andrejeva, Goran Gora
Puse sirds – Vecā Toma būda
Rīts pieneņpūkās – Lauris Reiniks
Silta sirds – Musiqq
Šūpuļdziesma – Dabasu Durovys
Tava pasaule – Rassell & Sabīne Berezina
Tu esi ceļš – Muorteņš Ruskis
Turies – Astro’n’out
Vasara nebeigsies nekad – bet bet
Viss var mainīties – The Sound Poets
Ziemu apēst – Prāta Vētra

Atguodynojam, ka paguojušajā godā “Dabasu Durovu” dzīsme “Sejas grāmata” Muzykaluos bankys finalā klauseituoju i žūrejis kūpviertiejumā sajēme 9. vītu.