Nūteik leidzekļu vuokšona kamerkora “Muklājs” albuma izdūšonai

Nūteik leidzekļu vuokšona kamerkora “Muklājs” albuma izdūšonai

kamerkors muklajsKolektivuo īguļdejuma platformā projektubanka.lv nūteik leidzekļu vuokšona kamerkora “Muklājs” albuma “Ar Laimeņu runojūt” izdūšonai.

Albumā byutu dzierdamys vysaidūs laikūs radeitys latgalīšu tautysdzīšmu apdaris i originaldzīsmis. Vairuoku godu garumā tam eipaši atlaseits repertuars, komponisti ari aicynuoti radeit originaldzīsmis latgalīšu volūdā.

Eipaši kamerkoram “Muklājs” veļteits skaņdorbs ir Agnetys Krilovys “Meitines dzīsma” ar Raiņa vuordim. Albumā tiks īmyužynuotys latgalīšu dzīsmis J. Vaivoda, I. Rupainis, E. Skukis, V. Pūcis, J. Graubiņa, V. Rudušys, N.Vītinis i cytu komponistu muzykalajā interpretacejā. Kors ar eipašu lapnumu uzsver, ka albumā īkļauta ari Latgalīšu kulturys goda bolvu “Boņuks 2014” nominacejā “Lobuokais snāgums akademiskajā muzykā” sajāmušuo dzīsme – R. Dubrys “Tu skaistuo Dīva duorza rūze”.

Muzykalais materials jau ir īraksteits i apstruoduots, tū atlīk tik izdūt CD formatā.

500 zīduotuoju, kas īguļdejuši vaira par 5 eiro, varēs sajimt albumu “Ar Laimeņu runojūt”, sovukuort pyrmī 5 zīduotuoji, kas īguļdeis vaira par 100 eiro, sajims vareibu baudeit kora koncertu kaidā sev nūzeimeigā nūtikšonā.

Print Friendly, PDF & Email

Nūtikšonu kalendars