“Dabasu Durovys” pīduovoj nūsaklauseit dzīsmi “Rācija”
Grupa „Dabasu Durovys” itūgod svietej desmit godu jubileju. Klauseituoju viertiejumam grupa pīduovoj dzīsmi nu tūpūšuo i rudinī gaidomuo albuma.
Dzīsmis pamatdūmu cīši labi atkluoj pyrmuos vuordu ryndys „Viens sapuvis ābols, ābolu kastē//Ja to neaizvāks, tad pūt sāks citi”, skaidroj grupys liders Arņs Slobožanins.
Dzīsme „Rācija” aktualizej problemu, kas pastuov sevkurā vaļstī, tymā storpā ari Latvejā, prūti, amatpersonu nagūdpruoteiba daleip ari īryndys pylsūņu, izraisūt destruktivu kēdis efektu, nūruoda A. Slobožanins.
Dzīsmis vuordu autors ir Arņs Slobožanins, muzyku komponējuse i aranžējuse vysa grupa kūpā.
Īrokstā pīsadola: Romāns Sladzis (gitara), Egils Kulmanis (tausteni, bolss), Arņs Slobožanins (bolss, gitara), Valdis Rundzāns (bass), Aleksandrs Tamans (bungys).
Īraksteits Custom Rd. studejā Daugovpilī. Miksēja Armands Treilihs.
