Aizvadeiti 16. “Vuolyudzāni” i latgalīšu volūdys olimpiade

Aizvadeiti 16. “Vuolyudzāni” i latgalīšu volūdys olimpiade

Salaseit kūpā gryudus, pa viejam kaiseitūs.
Tautu salaseit kūpā. Volūdu salaseit, bolsi kab napagaist,
Pasorgoj, Dīveņ, bolsus!
(Anna Rancāne)

16. aprelī Rēzeknē 16. reizi nūtyka skotuvis runys konkurss “Vuolyudzāni” i latgalīšu rokstu volūdys i kulturviesturis atkluotuo vaļsts olimpiade. Skotuvis runys konkursā pīsadaleja 59 dalinīki nu 11 Latgolys nūvodim, Kruoslovys, Rēzeknis i Ludzys piļsātom – kūpā nu 25 školu. Dalinīki beja izavieliejuši 52 latgalīšu autoru daiļdorbus i fragmentus, vysvaira I. Spergys, O. Slišāna, L. Apšineicys, Fr. Trasuna, A. Rancanis i P. Jurceņa dorbus. Itūgod 3 dalinīki sajēme keramiķa Pītera Gailuma veiduotuos dyžvuolyudzis.

Skotuvis runys konkursa “Vuolyudzāni” rezultati:

Dyžvuolyudzis sajēme: Laine Dzene – Mežvidu PII “Saulīte”, šk. I.Skrebinska
Juoņs Piveks – Veremu p-škola, šk. Z. Kūkoja
Eduards Armuška – Rēzeknis Vaļsts 1. gimnazeja, šk. I. Prikule

1.- 4. kl.
1. vīta: Laine Dzene –Mežvidu PII “Saulīte”, šk. I.Skrebinska
Rūta Vonoga – Nautrānu v-škola, šk. M.Zubko
Aivis Lipskis – Drycānu v-škola, šk. I.Butkāne
2. vīta: Reinis Pastars – Solys p-škola, šk.I.Vaivode
Armands Tutiņš – Eglainis p-škola, šk.A.Stērniniece

3. vīta: Osvalds Tūmiņš – Eglainis p-škola, šk. A. Stērniniece
Endija Marianna Broliša – Rēzeknis Katuoļu v-škola, šk. V. Igaune

5. – 9. kl.
1. vīta: Juoņs Piveks – Veremu p-škola, šk. Z. Kūkoja
2. vīta: Aivis Upenieks – Dravnīku p-škola, šk. V. Mičule
Imants Spīčs – Gaigalovys p-škola, šk. E. Bozoviča
3. vīta: Izabella Stelikova – Cyblys v-škola, šk. S. Streļča
Marta Mičule – Dravnīku p-škola, šk. V. Mičule

10. – 12. kl.
1. vīta: Eduards Armuška – Rēzeknis Vaļsts 1. gimnazeja, šk. I. Prikule
2. vīta: Dairis Smirnovs – Cyblys v-škola, šk. I.Kuzņecova
3. vīta: Juoņs Keidāns – Drycānu v-škola, šk. G. Kazuševa
Viktorija Semule – Drycānu v-škola, šk. G. Kazuševa

Olimpiadē vydsškolānim pīsadaleja 6 komandys (Baļtinovys v-škola, Tiļžys v-škola, Kruoslovys Vaļsts gimnazeja, Nautrānu v-škola, Rēzeknis Vaļsts 1. gimnazeja). Olimpiade nūtyka pīcuos kuortuos.

1. kuortā dalinīki paruodeja latgalīšu volūdys prasmis i atbiļdēja iz vaicuojumim par volūdys viesturi; 2. kuorta beja veļteita Ontona Rupaiņa 110. jubilejai, 3. kuorta – F. Kempam i avīzei “Gaisma”; 4. kuorta –jaunuokajai latgalīšu literatūrai: I.Spergys stuostu kruojumam “Dzeiveiba” ; 5. kuortā – tradicionalais kulturys tests. Kūpā varēja sajimt 100 punktus.

1. vīta: Nautrānu v-školai(69p.), (Aija Urtāne, Juoņs Edgars Reinholds, Kārlis Barkāns, Arturs Trimalnieks, Lauris Gorsāns), šk. V. Dundure
2. vīta: Kruoslovys Vaļsts gimnazejai (57p.), (Laura Dzalbe, Sintija Skerškāne, Armands Vecelis, Juoņs Umbraško) , šk. I. Skerškāne
3. vīta: Baļtinovys v-školai (55p.), (Artis Ločmelis, Valters Doru, Edgars Jermacāns), šk. I. Slišāns

LVLKŠA soka paļdis skotuvis runys konkursa “Vuolyudzāni” i olimpiadis dalinīkim, školuotuojim, izgleiteibys īstuožu vadeituojim i atbaļsteituojim!

Seviška pateiceiba:
Rēzeknis nūvoda pošvaļdeibai par olimpiadis finansialu atbolstu,
Rēzeknis Vaļsts 1. gimnazejai (Juoņam Poplavskim, Astrai Prīdānei);
Keramikim Pīteram Gailumam par breineiguom dyžvuolyudzem;
Rēzeknis Kulturys centra izdevnīceibai (Juoņam Elksnim) par gruomotu duovynuojumu jau sešpadsmit godu garumā;
Dr. philol., profesorei Lidejai Leikumai (LU), Dr. philol. Ilgai Šuplinskai i Mg philol. Sandrai Ūdrei (RTA) par olimpiadis aizdavumu sagataveišonu i viertiešonu;
Latgalīšu Kulturys bīdreibai par duovonu kartem olimpiadis 1.-3. vītu sajiemiejim;
Bīdreibai “Latgolys Saeima” par saryupeitajom duoovonu kartem iz akvaparku.

Školuotuoju viereibai: nu 31.07.-05.08 Rogovkā sasatiksim “Vosoruošonā-16”. Dreiži byus seikuoka informaceja.

Teksta autore: Veronika Dundure (LVLKŠA)

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]