22. oktobrī 15.00 Vīneibys noma koncertzalā nūtiks dirigenta Raimonda Igolnieka 70 godu jubileja koncerts, viestej Daugovpiļs piļsātys dūmis kulturys puorvaļdis sātyslopa.

Pyutieju orkestris “Daugava” (golvonais dirigents Arnolds Grīnberts) ir vīneigais profesionalais pyušamūs instrumentu orkestris Daugovpilī i jau seņ ir palics par piļsātys muzykalū vizitkarti. Orkestris vysod ir Daugovpiļs piļsātys svātku guojīņa prīškgolā, pīsadola nūzeimeigu objektu, festivalu, saceņseibu atkluošonā, pīduovoj interesantys koncertprogramys sovim klauseituojim i puorstuov piļsātu Vyspuorejūs latvīšu Dzīšmu i Deju svātkūs. Orkestris dybynuots 1985. godā dirigenta Raimonda Igolnieka vadeibā.

22. oktobrī 15.00 PPIO “Daugava” kūpā ar solistim – LNO solisti Ilonu Bageli (mecosoprans) i Arnoldu Grīnbertu (klarnete) –, aicynoj skateituojus iz koncertprogramu, kū veļteis ilggadejam orkestra dirigentam Raimondam Igolniekam 70 godu jubilejā.

Raimonds Igolnieks, dzims 1946. goda 17. oktobrī, ir PPIO “Daugava” dybynuotuojs i golvonais dirigents da 2009. goda, nu 2001. da 2007. goda – NBS Sauszemis spāku orkestra prīkšnīks, nu pyrma tuo – izgleiteibys darbinīks (Daugovpiļs Pedagogiskuo instituta Muzykys pedagogejis fakultatis vacuokais pasnīdziejs, Daugovpiļs Muzykys školys pyušaminstrumentu i sytaminstrumentu nūdalis pedagogs), nu 2010. goda – Gūda daugavpilīts. Īmontuojs cīnu i autoritati Latvejis orkestru dirigentu i muziku vydā, bejs Latvejis pyutieju orkestru saliduojumu (1988-2010) viersdirigents, nu 1990. goda Latgolys Dzīšmu svātku viersdirigents, Vyspuorejūs latvīšu Dzīšmu svātku (1990., 1993.,1998., 2003.) pyutieju orkestru viersdirigents, bet nu 2013. g. — vysu Vyspuorejūs latvīšu Dzīšmu svātku pyutieju orkestru Gūda viersdirigents.

Īīšona koncertā – bez moksys.