Rēzeknis Tehnologeju akademejis (RTA) rektors Edmunds Teirumnieks aicynoj zīduot leidzekļus Vladislava Luoča pīminis laukuma izveiduošonai.

Rēzeknis Tehnologeju akademeja itūšaļt izstruodoj nūlykumu metu konkursam par Vladislava Luoča pīminekļa pastateišonu Rēzeknē, Atbreivuošonys alejā 90. Pīminekļa pastateišonu i teritorejis lobīkuortuošonu atbolsta Latvejis Republikys Kulturys ministreja i Izgleiteibys i zynuotnis ministreja ar pīškiertū finansiejumu nu vaļsts 2017.g. budžeta. Pīškiertais finanšu apjūms sastuoda EUR 18000. Tok īceris vierīneiguokai realizacejai vajadzeigi papyldu leidzekli, kai ari leluoka nūvodnīku i uzjiemieju īsaiste.

Vladislavs Luocs (1912-1984) beja latgalīšu literats, latgalīšu volūdys aizstuovs, katuoliskuos kulturys sorguotuojs, pretuošonuos kusteibys pret nacismu i komunismu dalinīks, gruomotu izdeviejs, latgalīšu gruomatnīceibys aizsuociejs. Pīminis vīta Vladislavam Luočam teik veiduota kai vīns nu nūzeimeigim catūrtuo vyspasauļa Latgalīšu kongresa pasuokumim, gūdynojūt Latvejis vaļsts symtgadis svineibys i pīmynūt latgalīšu kulturys izcyluokūs darbinīkus. 

RTA informej, ka zīduotuojam saskaņā ar Latvejis Republikys lykumdūšonu dasaīt nūdūkļu atvīgluojumi, partū la RTA 2009. goda 24. martā ir izveiduojuse nūdybynuojumu “Latgales universitātes atbalsta fonds”, registracejis numers ir 40008141563. Nūdybynuojums ar Finanšu ministrejis 2009. goda 30. oktobra lāmumu Nr. 281 ir sajiems sabīdryskuo lobuma organizacejis statusu. Nūdybynuojuma konta Nr. LV88PRTT0256016686900, banka AS PRIVATBANK, kods PRTT2X.