Daugovpilī svieteis Pītera Martinsona dzimšonys dīnu

Daugovpilī svieteis Pītera Martinsona dzimšonys dīnu

Svietejūt latvīšu keramikys vacmeistara Pītera Martinsona (1931–2013) dzimšonys dīnu, Daugovpiļs Marka Rotko muokslys centra Videozalā nu 24. janvara da 6. februara byus apsaveramys audiovizualuos līceibys par muokslinīku i juo radeitī dorbi, informej centra puorstuovi.

2016. gods Daugovpiļs Marka Rotko muokslys centrā paguoja latvīšu keramikys vacmeistara Pītera Martinsona 85. dzimšonys dīnys pīminis zeimē, organizejūt vērtini pasuokumu, tymā skaitā vierīneigū I Latvejis Storptautyskū keramikys biennali Martinsona bolvu.

Svietejūt 28. janvari, kas ir muokslinīka dzimšonys dīna, i aktualizejūt juo pamastū montuojumu, Rotko centra Videozalā div nedeļu garumā byus apsaveramys audiovizualys līceibys, kuruos ir īmyužynuots Pīters Martinsons – juo dūmys i dorbi. Audiovizualuos līceibys sastuov nu 20. gs. 70. – 80. godu kinožurnalu fragmentu i dokumentaluos kinys nu Latvejis Vaļsts kinofotofonodokumentu arhiva. Sūpluok byus apsaverami videomaterialūs pīmynātī keramika muokslys dorbi nu serejis “Poltavas pieskārieni” (1976 – 1980).

Taipat Daugovpiļs Marko Rotko muokslys centrys aicynoj sevkuru, kas gryb pasadaleit atmiņuos voi viesturiskajuos līceibuos (dokumentūs, karteņuos, sarakstē, muokslys dorbūs) par i ap Pīteri Martinsonu, atsasaukt i atbaļsteit Rotko centru tūpūšuos Pītera Martinsona sātys ekspozicejis izveiduošonā.

Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]