Dīvkolpuojumus varēs klauseitīs radejā i škārsteiklā

Dīvkolpuojumus varēs klauseitīs radejā i škārsteiklā

Rokstu sagataveja: portals lakuga.lv

Latvejā izsludynuotuo uorkuortys situaceja ītekmiejuse ari kristīšu goreigū dzeivi, spākā ir aizlīgums puļcētīs bazneicuos. Ticeigajim ir vareiba klauseitīs dīvkolpuojumu translacejis radejā i škārsteiklā.

Latvejis diecežu veiskupi informiejuši, ka ticeigī iz uorkuortys stuovūkļa laiku teik atbreivuoti nu pīnuokuma pīsadaleit svātdīnis i obligati svynamūs svātku Svātajā Misē, nu sevkurs, kurs svātdīnēs palīk sātā, teik aicynuots iz kūpeigu saimis lyugšonu, kai ari pīsavīnuot dīvkolpuojuma lyugšonai ar “Radio Marija Latvija” ci Latgolys Radejis, ci škārsteikla starpnīceibu.

“Covid-19 viruss daudzus nu myusu pīspīž apsastuot kasdīnys skriejīnī i pat nūsarūbežuot nu sabīdreibys. Gavieņa laikā itei pīspīdu izolaceja ir papyldu vareiba kotram nu myusu puordūmuot sovu dzeivi, dorbu i lūmu sabīdreibā,” soka prīsters Pīters Skudra, “Radio Marija Latvija” vadeituojs. “Izmontuosim itū laiku, kab atteisteitu sovu goreigumu ci maineitu sovus īrodumus!”

Itymā laikā “Radio Marija Latvija” kotru dīnu nūdrūsynoj divys katuoļu dīvkolpuojumu translacejis 8.00 i 18.00 stuņdēs. Svātdīnēs ir vareiba virtuali pīsadaleit treis dažaidu konfeseju dīvkolpuojumūs: katuoļu 8.00, 11.00 i 18.00 stuņdēs, luteraņu 13.00 stuņdēs, kai ari baptistu 16.00 stuņdēs, informej P. Skudra.

“Radio Marija Latvija” ir katuoļu radejis staceja, kas pastuov jau pīcus godus i raida 24 stuņdis dīnnaktī, i papyldus dīvkolpuojumim eterā skaņ ari raidejumi par goreigumu, psihologeju i attīceibom, zinis i lyugšonys. Radeja raida Reigā, Līpuojā, Kruoslovā i Valkā, staceju var klauseitīs ar škārsteikla i mobiluos aplikacejis starpnīceibu.

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]