Juosmuižā Dzejis dīnuos gastēs dzejneica Ineta Atpile-Jugane i muzikis Ingars Gusāns

Juosmuižā Dzejis dīnuos gastēs dzejneica Ineta Atpile-Jugane i muzikis Ingars Gusāns

Rokstu sagataveja: portals lakuga.lv

10. septembrī 12.00 stuņdēs Raiņa muzejā “Jasmuiža” Preiļu nūvoda Aizkaļnē nūtiks Dzejis dīnu pasuokums, kurymā gasteis dzejneica Ineta Atpile-Jugane i muzikis Ingars Gusāns, portalu lakuga.lv informej Zane Grudule.

Ineta Atpile-Jugane ir dzejneica, scenariste, dzīšmu autore, Latvejis Rakstnīku savīneibys bīdre. Struodoj Latgolys Kulturviesturis muzejā kai direktoris vītneica zynuotniskajā dorbā.

Inetys pyrmuo dzejis publikaceja ir dzejūļu kūpa Rēzeknis Augstškolys jaunūs autoru kūpkruojumā “Emociju šķērēs” (1998). Izguojuši pīci dzejis kruojumi, jaunuokais nu tūs – “Lobuo i nalobuo” (2019). Rēzeknis nūvoda vokaluos studejis “Skonai” uzvaduma  “Dasadūrt dabasim” dzejis i dzīšmu tekstu autore (2014). 2014. godā sajāmuse Latgolys kulturys goda bolvu “Boņuks 2013” nominacejā “Lobuokuo dzeja”. Inetys dzejūli ir cīši muzikali, par tū tī vairuokkuort īskaņuoti dzīsmē dažaidu muziķu i grupu izpiļdejumā. Jei dorbojās Latgolys entuziastu grupys “Biļdis” radūšajā komandā i ir scenareja leidzautore filmai “Vīna vosora deļ vysu” (2012), scenareja autore eisfilmai “Muola varā” (2013).

Ingars Gusāns ir latvīšu rokmuzikis, kurs pazeistams ar skotuvis vuordu. Gitarists grupā “Borowa MC”, Rēzeknis Tehnologeju akademejis Izgleiteibys, volūdu i dizaina fakultatis vīsdocents. Ar grupu “Borowa MC” izdevs treis albumus. Ari kai solo muokslinīks Sovvaļnīks izdevs treis albumus, jaunuokais nu tūs saucās “Napaseitynuots” (2016). Komponiejs bārnu dzīsmis vokaluos grupys “Skonai” albumam “Rūtaļa” (2017) i dokumentalajai filmai “Laiku i myuža roksti”, kas veļteita rakstnīka Ontona Rupaiņa dzeivis guojumam (2012). Albumi, dzīsmis, klipi ir bejuši izvierzeiti i īgivuši bolvys Latvejis Muzykys goda bolvā i Latgalīšu kulturys goda bolvā “Boņuks”.

Pasuokumā “Mūdynuot muokuļus” īeeja byus bez moksys. Školānu grupom obligata īprīkšeja dasasaceišona, zvonūt iz telefonim 29427554, 29487589 ci rokstūs iz e-postu jasmuiza@memorialiemuzeji.lv

Print Friendly, PDF & Email

Nūtikšonu kalendars