Aicynoj dasaceit pretendentus Latgolys Turisma goda bolvai 2021

Aicynoj dasaceit pretendentus Latgolys Turisma goda bolvai 2021

Rokstu sagataveja: portals lakuga.lv

Latgolys Turisma goda bolva ir nūzeimeigs pasuokums, kuru jau sastū reizi organizej Latgolys Turisma asociaceja. Goda bolvys mierkis ir izceļt lobuokūs turisma profesionaļus – turisma uzjiemiejus, gidus, turisma centra darbinīkus i tūs, kuri kasdīnā ar lapnumu dorbojās Latgolys turisma nūzarē i veicynoj kūpejū regiona atpazeistameibu, informej Latgolys Turisma asociacejis puorstuove Laura Spundere.

Latgolys Turisma goda bolva 2021 tiks padūta septeņuos nominacejuos:

Turisma profesionaļs – padūd Turisma informacejis centram voi individualam komersantam;

Lobuokuo turistu mītne piļsātā;

Lobuokuo turistu mītne laukūs;

Lobuokais jaunais turisma objekts – padūd turisma objektam, kurs ir izveiduots pādejūs diveju godu laikā;

Goda amatnīks/muojražuotuojs/uzjiemiejs;

Lobuokais turisma produkts – padūd kvalitati pīruodejušam turisma objektam naatkareigi nu juo izveidis goda;

Lolitys Kozlovskys izcileibys bolva turismā – padūd turisma jūmys profesionaļam, kas devs vārā jamamu īguļdejumu sova regiona ci vysys Latgolys turisma jūmys atteisteibā.

Goda bolvys sajiemieji teik ryupeigi izalaseiti, īvārojūt izstruoduotū nūlykumu i viertiešonys kriterejus. Žurejis sastuovā ir Latgolys pošvaļdeibu Turisma nūzaris specialisti, īprīkejuos goda bolvys sajiemieji i Latvejis mārūga turisma specialisti. Ar Latgolys Turisma goda bolvys nūlykumu var īsapazeit ITE, ar viertiešonys kriterejim ITE.

2019. godā tyka padūtys sešys Latgolys Turisma goda bolvys. Turisma profesionaļa titulu sajēme Aina Barsukova par sātys restoranu “Dzīles” Ludzys nūvoda Malnovā, par lobuokū turistu mītni piļsātā tyka pīzeita gostu sāta “Dvinska” Daugovpilī, par lobuokuo turistu mītni laukūs – gostu sāta “Svilpaunieki” Rēzeknis nūvodā, par lobuokū jaunū turisma objektu –– kajaku tūris “Lost in Latgale” Kruoslovys nūvodā, par inovativuokū turisma objektu – muokslys galereja “Moto & Metal Nester Custom” Preiļūs, izcileibys bolvu sajēme Latgolys viestnīceoba “GORS” Rēzeknē.

Latgolys Turisma goda bolvys 2021 padūšonys ceremoneja nūtiks 2. decembrī Latgolys viestnīceibā “Gors” (Rēzeknē, Piļs īlā 4) piec kasgadejuos Latgolys Turisma konferencis. Dasaceit pretendentus var aizpyldūt tīšsaistis dasacejuma formu ITE da 2021. gods 28. novembra.

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 13 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]