Dasasoki seminaram par kulturys pasuokumu ilgtspieju

Dasasoki seminaram par kulturys pasuokumu ilgtspieju

Rokstu sagataveja: portals lakuga.lv

Reiceibys grupa Daugavpils 2027aicynoj pīsadaleit seminarā Kultūras pasākumu ilgtspēja, kas nūtiks 9. februarī Zoom tīšsaistē nu 15.00 da 16.30 stuņžu, informej  dasacejuma Daugavpils 2027 komunikacejis specialiste Jeļena Dedele.

Pasuokumūs, kur puļcejās daudz cylvāku, daleibnīku reiceibys sekys ir vairuok pamonomys kai kasdīnā. Kulturys jūmys pasuokumi sovus apmaklātuojus izklaidej, īdvasmoj i informej. Tok bīži viņ pasuokuma pozitivū īgivumu mazynoj atstuotī atkrytumi, sapūsteituo doba i izškierdeigi izmontuotī resursi. Partū kulturys i izklaidis jūmā pīredze par tū, kai organizēt ilgtspiejeigu pasuokumu, palīk vys nūzeimeiguoka. Tū vysu jamūt vārā, aicynoj iz seminaru Latgolys regiona kulturys jūmys darbinīkus, radūšūs organizaceju puorstuovus, kulturys pasuokumu kuratorus i organizatorus, jaunatnis lītu specialistus i eipaši tūs, kas ir saisteiti ar dasacejumu “Daugavpils 2027”.

Seminarā daleisīs ar lobuos praksis pīmārim par tū, kai kulturys pasuokumūs var stuosteit par vidis i socialom problemom, kai pasuokumūs var atbiļdeigi patērēt puortyku i resursus, mazynuot i škiruot atkrytumus, i izviertēt vidis ītekmi. Nūslāgumā pastuosteis par klimatam draudzeigu XII Latvejis Školu jaunatnis dzīšmu i deju svātku kampaņu #KlimataDraugs.

Ar sovu pīredzi i apkūpuotajim pīmārim daleisīs Inga Belousa, “Daugavpils2027” dasacejuma ilgtspiejis nūdrūsynuošonys koordinatore, i Elīna Pekšēna, Pasauļa Dobys Fonda Vidis izgleiteibys i sabīdreibys īsaistis koordinatore.

Registraceja seminaram ITE.

Seminara reikuotuoji aicynoj organizēt i baudeit kulturys pasuokumus tai, kab nuokušuos paaudzis varātu baudeit kulturu i vidi taipat kai mes.

Itys pasuokums ir daļa nu Daugovpiļs dasajuma Eiropys kulturys golvyspiļsātys 2027 konkursam.

Print Friendly, PDF & Email

Kalenders

Apr
16
Ūtr
12:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Apr 16 @ 12:00 – 13:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]
Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]