Novembra beigys Rēzeknē īrosts atīt ar tradicionalū Andrejdīnu nūtikšonu – ari itūgod 30. novembrī 19:00 Rēzeknis Augstškola aicynoj iz Rēzeknis piļsātys kulturys nomu iz dzejis i prozys skaitejumim, volūdys spēli i muzykalim pīdzeivuojumim.

Ar dzejis i prozys skaitejumim itūgod sūlejuši pīsadaleit A. Rancāne, V. Lukaševičs, L. Rundāne, I. Atpile-Jugane, A.Mileika, Raibīs Suņs, Jureits i cyti zynomi i mozuok zynomi latgalīšu literaturys autori.

Andrejdīnu organizātuoji sūlej interaktivu spēli „Latgolys lingvoteritorialuo vuordineica”, kai ari ar ūtruo diska „Styklu vītā skaņa” dzīsmem i emocejom pīsadaleis grupa „Dabasu durovys”.