Aijai Rimšai – metinei nu piļsātys Latgolys sirdī duorgys beja treis lītys – dzymtais nūvods, saime i dāli. Draiskajuos i skumjajuos dzīsmēs, kurom gon muzyku, gon tekstu raksteja Aija poša, tika izdzeivuota ticeiba, cereiba i mīlesteiba, ar kurom vareja dareit breinumus.

Uoreji smolka i trausla, Aija vys tik dzirksteļuoja eisti latgaliski šerpi, kaismeigā ticeibā atzeistūt, ka ir pot pateiceiga Dīvam par izliktajim puorbaudejumim. Pyrma sešim godim Latveja atsavadeja nu Latgolys laksteigolys i myužu, nu naatsavadeja nu juos dzīsmem. Ari šudiņ mes dzierzām juos izpiļdejumā “Rūžeņu”, “Kaprīzo meiteni”dzīsmi veļteitu māmeņai i daudzys cytys sirsneigys, romantiskys, tautiskys i azartiskys dzīsmis, kurys skaņ Latgolys Radejis i Latvejis Radio 2 ēterā.

Aija beja cylvāks, kas nese Latgolys vuordu plašajā pasaulī. Kai pateiceiba i pīmiņa 25. novembrī 18:00 Rēzeknis piļsātys Kulturys nomā nūtiks pīminis koncerts “Es sūpluok asu Tev – ci tuo ir moz?” (“Es līdzās esmu Tev – vai tā ir maz?”). Koncertā pīsadaleis duets Inga i Normunds, grupys Treis veiri, Rikši, Marčello, Gints&Es, deju kolektivi Vadži (Rēzekne) i Juris (Viļāni), i.c.

Koncertu reikoj Rēzeknis Dzīšmu svātku bīdreiba ar Rēzeknis piļsātys dūmis Kulturys puorvaldis atbolstu. Īejis biletu cena 1,00-2,00 LVL.

.

Annys Rancānis 2002. goda roksts par Aiju, “Diena”

Vaira informacejis par pasuocīni ite

Aija – Aiz azara malni meži

Aija – Apstāsimies