Vakar Leivuonūs puļcejuos lobuokī Dīnvydlatgolys jaunī stuostnīki iz konkursa „Teci, teci valodiņa” pusfinalu. Kotru godu rudiņa pusē 14 Latvejis piļsātu – Latgolā Rēzeknis i Leivuonu –  školuos i kulturys nomūs skaņ stuosti, puosokys, atgadejumi, jūki i uotrrunys. Konkursantim žurejis prīška pīcu minušu laikā eisi juoīpazeistynoj ar sevi i juopastuosta vīna latvīšu ci cytu tautu puosoka, vīns naparosts gadīņs nu sovys ci vacuoku, radinīku, draugu ci školys dzeivis, vīns eiss prozys žanrs, pīvadumam, uotrruna, spūku stuosts, baubys, anekdots. Stuostejumi var byut gon literarā volūdā, gon dialketā ci izlūksnē.

Reitu 26. novembrī nūteik konkursa „Teci, teci valodiņa” finals Reigā, Latvīšu Bīdreibys nomā i tymā pīsadaleis 112 dalinīki, kas izvirzeiti konkursam nu vaira kai pustyukstūša jaunūs stuostnīku vyda. Dīnvydlatgolys nūvodu konkursa finalā puorstuovēs i par Mozuo stuostnīka, Leluo stuostnīka ci Dyžanuo stuostnīka tytulu ceinēsīs Ilmārs Štolcers i Anita Lipinika (Leivuonu 1.vydsškola), Aija Vaivode (Rūžupis pamotškola), Ligita Tumāne, Lelde Klīdzēja, Renāts Konovalovs (Gaļānu pamotškola), Amanda Anusāne (Dravnīku pamotškola), Kristians Plots i Zigmārs Lozda (Vuorkovys vydsškola), Sigita Priževoite , Kristīne Bruzgule (Seiļukolna pamotškola), Ernests Zalāns (Rībeņu vydsškola).

Finalistus vērtēs zynūši i lobvieleigi vārtātuoji – Latvīšu folklorys kruotuvis pietnīki Baiba Krogzeme-Mosgorda, Aldis Pūtelis i Guntis Pakalns, Vidvuds i Iveta Medeņi nu Latvejis Radejis, školuotuoja Iveta Irbe, Nacionaluo Botaniskuo duorza Salaspilī direktors Andrejs Svylāns i pietneica Daina Roze.

Vaira informacejis par Dīnvydlatgolys pusfinalu skaiti ITE
Karteņa: Dīnvydlatgolys stuostnīki Leivuonūs