LaKuGa uzsuok publicēt latgaliski topušūs dorbus Latgolys lauku školu jaunradis konkursa ītvorūs, kas veļteits  dzejneicai Naaizmērstulei.

Autore: Agnese Broka, Bruoļu Skryndu Atašīnis vydsškola, 7. klase

Paleidzi maņ, Dīveņ!
 

Ir pateikami, ka piec smogys dīnys
Tev durovys varu atvērt es.
Ir pateikami, ka Tu sovu prīcu
Un sovus lobūs dorbus maņ dūd.

Ir pateikami, ka šai Dīva pasaulī
Mums vysim ir sova mōja, ir sovs syltums.
Ka mums ir dzeive, kurā īaugt
Taipat kai ir zeme i debess.

Ir pateikami, ka ir zīma, vosora,
Ka juos ir tik atšķireigys.
Ka ir saulrīts un saullākts,
Kas aiz dabasu apvōršņa speid.

Un ka ir svātdīnis i svātki,
I Zīmyssvātku peirāgi, i dzaltons Jōņu sīrs,
Symtim mīļu, lobu vōrdu,
Kas saucas vīnā vōrdā – MĪRS.

Ir pateikami.. .un, ja pateik, vari
Par šaubu apvōrsni tū saukt.
Dīnu dīnā es ceļūs, eju
Un doru sovu pīnōkumu.

Karteņa: Intys Valainis zeimiejums