Pīktdiņ, 13. septembrī, Rēzeknis nūvoda dūmis zalā 14:00 nūtiks literari muokslinīciskuo almanaha „Rēzekne 2013” prezentaceja. Itys ir jau sešpadsmitais Rēzeknis dzejnīku rodūšuos dūmys kruojums, kurā apkūpuoti na tikai Latgolys i Latvejis dzejnīku dorbi, bet ari uorpus Latvejis dzeivojūšūs autoru dorbi.

Almanahā publicātī dorbi ir latvīšu, latgalīšu i krīvu volūduos, i puorsvorā tī ir veļteiti Rēzeknei, Latgolai, tuos dobai i cylvākim. Almanahā publicāti na tikai originaldorbi, bet ari vītejūs dzejnīku dzejis tulkuojumi, kas sovukuort paleidz sābru vaļstu īdzeivuotuojim lobuok izzynuot Rēzekni, tuos skaistū dobu, viesturi i cylvāku attīceibys.

Izdavumā „Rēzekne 2013” publicāti 75 autoru dzejis i prozys dorbi, kurus sakuortuojuse almanaha idejis autore dzejneica Olga Orsa.

Almanahs izdūts ar Rēzeknis nūvoda dūmis, Rēzeknis piļsātys dūmis i a/s „Rēzeknes autobusu parks” atbolstu.

Ziņu sagataveja: LaKuGa piec almahana izdevieju informacejis
Karteņa: rezekne.lv