14. janvarī 20 stuņdēs Amatys nūvoda kulturys centrā Gikšūs nūtiks jau sastuo Storptautiskuo Gikšu daņču nakts.

.
Daņču naktī pīsadaleis i atbraukušūs doncuot grybātuojus dancynuos – Cāsu Daņču klubs, Reigys Daņču klubs, folklorys kūpys Dandari (Reiga), Putni (Lādurga), Raksti (Jiekabpiļs), Maskačkas spēlmaņi (Reiga), Upīte (Vileks nūvoda Upeite), Latvejis dūdenīku grupa.

.
Pīsadaleis ari gosti nu sābru zemem:
Nobedad noorukid (Igauneja) – Igaunejis jaunī muzykanti /leidz 18 godim/, sasaspieliejušs tautys muzykantu nūmetnēs, ari Tartu daņču klubā.
Eesti lõõtspillid – Dīnvydigaunejis diatoniskūs akordeonu spielmani, kas spielej daņčus i dzīd jūku dzīsmis.
Lustijad – muzykanti nu vysys Igaunejis, kas vysod i jebkur meiļupruot spielej kūpā.
Tartu Daņču klubs /Igauneja/, Vilnis Daņču klubs /Lītova/, tautys muzykys i deju grupa „Žemaitukas” /Klaipeda/, Boltkrīvejis daņču muzykanti.

.
Vysys nakts garumā tiks spieļuoti, doncuoti i vuiceiti latvīšu, lītuvīšu, igauņu i cytu tautu daņči, mūdis dejis, kadrilis, mazurkys, polkys, vaļši, varēs doncuot i pīsadaleit muzykantu saspēlēs.
Daņču naktī nūteikti byus ari popularī i doncuotuoju vydā īmīļuotī latgalīšu daņči – Dzīsme (Dzīduot muoku, doncuot muoku), Pīci bāri kumeleni, Doncuot guoju ar meitom, Lipa kust, Syla Jurs i daudzim cytim.

.
Pasuocīņa apmaklātuoji aicynuoti leidza jimt mainis apovus, iudini, grūzeņu, ka gribiesi aizkūst, guļammaisu, ka gribiesi palikt pa nakti. Čajs byus!
Muzykantim īeja bez moksys, doncuotuojim īeja pret zīduojumim!

Karteņā – Upeitis jaunīšu folklorys kūpa Latgolys dīnā 2011 Breivdobys muzejā , foto E.Husare