20. janvarī Baļtinovā trešū reizi nūtiks jaunīšu večerinka „Vasali Baļtinovā!”, kurys mierkis ir ceļt jaunīšū latgaliskū pošapziņu, školu jaunuotnis vydā popularizēt latgalīšu volūdu, kai ari veicynuot tyvuokū vydsškolu jaunīšu sadarbeibu latgaliskajuos aktivitatēs.

2006. goda 22. aprelī nūtyka pyrmuo jaunīšu „Večerinka Baļtinovā”, kurā pīsadaleja Baļtinovys, Ruguoju, Rekovys, Nautrānu i Tilžys vydsškolu jaunīši. 2007. goda 1. decembrī iz ūtrū „Večerinku Baļtinovā” sasatyka Baļtinovys, Tilžys, Ruguoju i Dagdys jaunīšī.

Iz trešū večerinku aicynuoti 8.-12. klašu jaunīši nu tyvuokuos apleicīnis školu i nu školu, kurys gods nu goda pīsadola regionalajā latgalīšu volūdys i kulturviesturis olimpiādē – Baļtinovys, Tiļžys, Rekovys, Ruguoju, Bierzpiļs, Kuorsovys, Nautrānu, Dagdys vydsškolys, Viļakys Vaļsts gimnazejis, Brīžucīma i Upeitis pamatškolys. Nu kotrys aicynuotuos školys konkursūs pīsadola komanda – 4-10 jaunīši (skaits nav svareigs), leidza brauc atbiļdeigais školuotuojs (školuotuoji). Kuplā pulkā aicynuoti ari leidzjutieji!

Kotrai školai / komandai juosagatavej īsapazeišonys vizeitkarte (leidz 3 minoti gara). Pasuocīnī paradzāti vysaida veida konkursi par Latgolu i latgalīšim, tiks dūts vuords gūda gostim, kai ari piečuok vyss turpynuosīs ar daņčim.

Pasuokumā pīsadaleis ari gūda gosti – Guntis Rasims (grupa „ Bez PVN” ), Jurs Viļums (Saeimys deputats), Ilga Šuplinska (Rēzeknis Augstškola), Andris Slišāns (Upeite, bīdreiba „Latgolys Saeima” ), Anna Rancāne i c.

Večerinka Baļtinovā 2012 – nūlykums

Kartenis – nu LaKuGa arhivim par īprīškejūs godu pasuocīnim