Leidza ar pasauļa plotumu i atvierteibu, ari latgalīšu kulturā īīt cytu tautu svātki. 14. februarī pasaulī atzeimoj Valentina dīnu i, tū gaidūt, Rēzeknis Centraluo biblioteka gatavej Valentina dīnai veļteitu apsveikumu i duovaneņu izstuodi.
.
Biblioteka aicynoj pīsadaleit sevkuru skaiteituojs, kuram ir gribiešona pīsadaleit i paruodeit sovus dorbys itymā izstuodē. Dorbi juoīznīdz leidz 27. janvaram bibliotekys abonementā (Atbreivuošonys alejā 81/5, Rēzeknē), izstuode byus apsaverama nu 1. leidz 20. februaram.

.

.
Nu, gaidūt tū februara leluos mīlesteibys datumu, drupeit mīlesteibys latgalīšu ailēs:
.
Ontons Kūkuojs
.
Janvara vydā
nu azara vyda
sen nūsaļs guļbs
kūpā ar vysu ladu,
pasacieļs spuornūs,
vaicoj piec mīlesteibys.
.
Piec mīlesteibys,
ni seikys, eisys
kai dzierkstelis gaisā,
ni dzilis i gryutys
kai okys rakšana muolā…
.
Piec mīlestībys —
Tu ar mani, es ar tevi —
Vysums!
seņ nūsaļs guļbs