Izsludynuots Latgolys kongresa symtgadis pīminis vītys metu konkurss
Jemūt vārā, ka 2017. godā palīk 100 godu nu pyrmuo Latgolys kongresa, kas nūtyka Rēzeknē 1917. godā kinoteatrī “Diāna”, bīdreiba “Latgalieši” ar Rēzeknis piļsātys dūmis finansialu atbolstu izsludynoj metu konkursu par pīminis vītys par gūdu Latgolys kongresa symtgadei izveidi, informej Rēzeknis piļsātys sātys lopa.
Metu konkursa mierkis ir atlaseit vyspīmāruotuokū rysynuojumu pīminis vītys izveidei pošvaļdeibai pīdarūšajā zemis gobolā Atbreivuošonys alejā 61, Rēzeknē, nūdrūsynojūt estetisku i sakūptu vidi piļsātys dzeivuotuojim i gostim.
Metu īsnīgšonys termeņš – da 2016. goda 6. janvara 14.00 Rēzeknis piļsātys dūmis Dzeivuotuoju apkolpuošonys centrā dorbadīnuos nu 8 stuņdu da 16.30. Kontaktpersona par metu konkursu – bīdreibys “Latgalieši” vaļdis izpylddirektors Pīters Keišs, t. 29124208.
