Bīdreiba “LR” izsludynuojuse latgaliskūs projektu konkursu
Bīdreiba “LR” izsludynuojuse latgaliskūs projektu konkursu, kura mierki ir paturēt latgalīšu volūdys publisku lītuošonu i izplateibu, masu sazinis leidzekļus latgaliski, latgalīšu volūdys lītuošonu bārnu i jaunīšu vydā i volūdys kvalitati.
Projektu var padūt da 9. februara personeigi bīdreibys vaļdei ci nūsyuteit pa postu: Rēzekne, Atbreivuošonys aleja 95A, 3. kab. (ar nūruodi – Guntim Rasimam). Projekta elektroniska kopeja juonūsyuta iz e-posta adresi guntis.rasims@gmail.com.
Vysim projekta dokumentim obligati juobyut latgalīšu volūdā.
Kūpejais projektu konkursa finansiejums ir 14 000 eiro. Minimalais vīnam projektam daškiertais finansiejums paradzāts 1000 eiro, maksimalais – 10 000 eiro.
Vaira informacejis – projektu konkursa nūstotā
