Rokstu sagataveja: portals lakuga.lv

19. julī Ludza byus Latgolys senioru dzīšmu i deju svātku golvyspiļsāta – ite nūtiks 20. Latgolys nūvoda senioru dzīšmu i deju svātku festivals “Vasali Ludzys azaru krostūs!”. Itei nūtikšona kasgadeji kūpā puļcej senioru kolektivus nu vysys Latgolys, informej pasuokuma organizatori.

Kotru godu festivala nūtikšonys vīta mainuos, i tuos izvieli īzeimej eipaša nūtikšona – karūga nūdūšona nuokušajim organizatorim. Pārņ Preiļūs festivala karūgs tyka nūdūts Ludzys nūvoda pošvaļdeibai.

Festivāla dalinīku pulks ir plots i puorstuov gondreiž vysu Latgolu. Byus dalinīki nu Augšdaugovys, Bolvu, Kruoslovys, Jākubpiļs, Leivuona, Ludzys, Preiļu i Rēzeknis nūvodim, taipoš ari nu Daugovpiļs, Varakļuonim i Rēzeknis. Iz Ludzu sabrauks kori, deju kūpys, vokalī i etnografiskī ansambli, folklorys kūpys i cyttautu kolektivi, kab daleitūs sovā rodūšomā i pīredzē.

Festivals suoksīs ar dīvakolpuojumu 17 stuņdēs Ludzys Jaunovys Marijis Dabasūs uzjimšonys Romys katuoļu bazneicā. 18 stuņdēs nu Ludzys vacpiļsātys laukuma dalinīki dūsīs svātku guojīnī iz parka estradi, kur 19 stuņdēs nūtiks lelkoncerts “Vasali Ludzys azaru krostūs!”. Vokora nūslāgumā gaidoma zaļumballe ar grupu “Rolise”.