15. septembrī Vileks nūvoda Škilbanu pogosta Upeitē jau 11. reizi nūtiks tradicionalais mīlesteibys aiļu i dzīšmu festivals “Upītes Uobeļduorzs”, kas pi reizis ir ari vacuokais latgalīšu festivals pasaulī.

Kai kotru godu, ari itūreiz iz Uobeļduorzu sasapuļcēs gon jau zynomi, gon jauni latgalīšu muziki, grupys i ailinīki. Itūgod festivala dalinīku pulkā byus ari “Jaunīšu Etno dīnu 2012” dalinīki.

Festivalā pīsadaleis: Karburators, Bez PVN, LPIV, Krampis, Green Novice, Napruots, Pādejuo steiga, Vinsents Kūkuojs, Laura Bicāne, Juoņs Grāveris, Aņss Ataols Bierzeņš. Ailinīki: Raibīs Suņs, Mārīte Slišāne, Dagneja Bramane, Ilze Sperga, Valentins Lukaševičs, Juoņs Ryučāns, Aigars Jaundžeikars, Līga Rundāne i Santa Matisāne. Jaunīsu ETNO dīnu 2012 dalinīki: Rikši, Medainis, Rudzi, Vīteri, Kokle i Soldanī.