11. oktobris byus vīna prīceiga dīna latgalīšu modernuos muzykys laukā – izīs grupys „Dabasu Durovys” ūtrais albums „Styklu vītā skaņa”.

Albuma prezentaceja paradzāta Daugovpilī, Park Hotel „Latgola” restoranā Plaza 21:00. Prezentacejis nūtikšonā kai eipašī gosti pīsadaleis ari Guntis Rasims nu grupys „Bez PVN”, Laura Bicāne, Evija Smagare i Jacobs Ladder.

Grupys „Dabasu Durovys” pyrmais albums ar nūsaukumu “Ļepetnīks” izguoja 2008. godā. Jaunajā albumā byus 14 dzīsmis, pi kurom grupa struoduojuse pādejūs četru godu laikā.

Par reizi pīduovojam nūsaklauseit ari jaunuokū grupys dzīsmi, kas īdzīduota latvyski – „Par Martu”.

.