14. februarī 15 stuņdēs Rotko muzejā nūtiks gleznuošonys meistardarbneica pīaugušajim, kurā gleznuotuojis i muokslys pedagogis Agrys Ritinis vadeibā varēs izveiduot juos dorba breivu kopeju voi radeit sovu originalkompoziceju akrila voi ellis gleznīceibys tehnikā.

Darbneicys īvodā dalinīki kūpā ar muokslineicu apsavērs Rotko muzeja kruojuma izstuodi “Nr. 2 [Bez nosaukuma]”, īpazeistūt vysaidys gleznīceibys tehnikys. Turpynuojumā muzeja gleznuošonys studejā muokslineica demonstrēs sovus īcīneituokūs gleznīceibys pajiemīņus i paleidzēs kotram dalinīkam radeit sovu gleznu ar akrila voi ellis kruosom iz audakla (dorba aptyvanais izmārs – 50 x 60 cm).

Darbneica ir paradzāta pīaugušajim interesentim. Prīškzynuošonys nav vajadzeigys.

Daleibys moksa vīnai personai ir 36 eiro. Darbneicys cenā ir īkļauti vysi dorbam vajadzeigī materiali, izstuodis apsavieršona i atspyrdzynuojums – čajs, kopejs voi veina gluoze.