19. februarī 16 stuņdēs Latvejis Nacionaluos bibliotekys “Ratumu pasauļa” telpā (5. stuovā) nūtiks izdavuma “Latviešu grāmatniecības vēstures laika skala” atkluošonys pasuokums.

Izdavumā, kas radeits programā “Latviešu grāmatai 500”, pyrmūreiz vīnuvīt apkūpuoti byutyskuokī godskaitli i fakti latvīšu gruomatnīceibys viesturē nu pyrmsuokumu da myusu dīnu. Izdavums ļaun izsekuot zeimeiguokajom nūtikšonom, procesim i personeibom gruomotu raksteišonys, izdūšonys, īspīsšonys i apritis, kai ari biblioteku i skaiteišonys viesturē.

Laika skolā eipaša viereiba dagrīzta ari lībīšu i latgalīšu gruomatnīceibys viesturei. Izdavumā nūzeimeigu vītu ījam informaceja par naredzeigajim i vuojredzeigajim skaiteituojim paradzātūs gruomotu, izgleiteibys īstuožu i biblioteku atteisteibu Latvejā.