Kalenders

Jul
2
Sai
Sātys kopejneicu dīnys @ Preili, Aglyuna i Leivuons
Jul 2 @ 11:00 – Jul 3 @ 17:00

 

Jul
4
Pyr
Leiksnys pogosta svātki @ Leiksna
Jul 4 @ 13:00 – Jul 8 @ 23:45

Jul
8
Pīk
Stabuļnīku pogosta svātki @ Stabuļnīku pogosts
Jul 8 @ 11:00 – Jul 9 @ 14:00

Jul
9
Sai
Rāznys Nacionaluo parka Ceļuotuoju dīnys @ Rāznys Nacionalais parks
Jul 9 @ 10:00 – Jul 10 @ 19:00

Itūgod eipašs akcents Rāznys Nacionaluo parka dobys vierteibom – iudinim. Azaru vieju motūs sajussi, izbraucūt pa Rāznys azaru ar buru laivu “Sea esta” voi airu laivom Ješa azarā. Turisma pakolpuojumu snīdzieji pīduovoj ari izbraucīņus ar motorlaivu Rāznā i Ješa azarā, SUP dieļu i iudiņa velosipedu nūmu.

Garūs maršrutu guojiejim unikala vareiba izīt Azara stygys 21 km i 15 km garus pūsmus kūpā ar turisma i vidis ekspertu Juri Smalinski. Rāznas azara pīkrosta putynu bolsūs īsaklauseit aicynoj putynu vāruotuojs Dagnis Vasilevskis.

Rāznys Nacionaluo parka dobys centrā gaideitys saimis ar bārnim, kab, apmeklejūt ekspoziceju i izzinis darbneicys, īpazeitu Rāznys azaru i tuo apleicīnē asūšuos dobys vierteibys. Jaundūmis muižys vidis izgleiteibys centrs gaideis apmaklātuojus ekspozicejā i dobys stygā.

Apmaklātuojus gaideis ari amatnīki. Div dīnys Rāznys muola puorvierteibys aicynoj vāruot “Pūdnīku skūla” Akminīšu kolnā, pīduovojūt i keramikys izstruoduojumu veiduošonu, i cepļa kūršonu i izjimšonu. Kūka izstruoduojumu meistars Ēriks Ruhmans ruodeis, kaidus izstruoduojumus var sataiseit nu mežā atrostu it kai parostu sprunguļu. Copis gids Juoņs Kupra stuosteis par zyvu giušonys knifim Rāznā, kai ari pīduovuos ekskluzivūs pludeņus nu Rāznys azara nīdru. Latgolys zyrgu audziešonys tradicejis varēs īpazeit “Rudo kumeļu pauguros”. Latvejā leluokū zvaneņu privatkolekceju varēs apsavērt Lipuškūs.

Rāznys Nacionalais parks lepojās ari ar muižom i bazneicom. Lūznovys muiža pīduovoj ekskurseju muižkundzis Rutys pavadeibā. Bukmuižys bazneica byus attaiseita apsavieršonai 9. julī, bet 10. julī sevkurs var apmeklēt Svātū Misi. Byus ari koncerts pi Saītu noma ar Džeinys Gavaris, TDA “Bukmuiža”, Arņa Slobožaņina pīsadaleišonu.

Naiztiks ari bez kulinaruo montuojuma baudeišonys. Daudzveideigu iedīņu kluostu pīduovuos atpyutys vīta “Skaistā Rāzna”, zemnīku saimisteiba “Itkaču mājas”, gostu sāta “Rāznas Pērle”. Ondrupinis lauku sātā varēs izgaršuot pošcaptu maizi ar madu, bet Ezernīkūs pi Saītu noma baudeit zyvu zupu.

Latgolys senatni varēs īelpuot Kroma kolna bruolistis piļskolnā, bet latgalīšu sadzeivi īpazeit Ondrupinis lauku sātā.

Sātys kopejneicu dīnys Kruoslovys nūvodā @ Kruoslovys nūvods
Jul 9 @ 11:00 – Jul 10 @ 16:00

Jul
10
Svā
Sātys kopejneicu dīnys Augšdaugovys nūvodā @ Atpyutys sāta "Meija"
Jul 10 @ 11:00 – 22:00

Jul
15
Pīk
Rēzeknis nūvoda dīnys @ Leņdžu pogosta breivdobys estrade
Jul 15 @ 19:00 – 23:45

Nautrānu apvīneibys dalinīku gūdynuošona, Nautrānu apvīneibys amatermuokslys kolektivu koncerts. Zaļumballi spielēs grupa “Galaktika”.