Kalenders
Andris Keišs: “Jau divdesmit ostoitū godu es i iz skotivis, i kameru prīškā izdzeivoju svešys dzeivis. Tys aizjam lelu daļu munys dzeivis. Ka vokorūs, izruožu laikā, tuos svešuos dzeivis teik dzeivuotys, tod nu reitu mieginuojumūs svešuos dzeivis teik analizātys.
Gribīs iz šaļti nūstuot i, kā Ojārs Vācietis saceja, “izliduot kai bitei” cauri tam, kas jau aiz mugorys. Cauri sovai dzeivei. Paļdis Dīvam, vyss da ituo ir prīcys i maiguma pylns.
Es zynu, ka mani sagaida daudzi prīcys, draudzeibys i atkluosmu ari iz prīšku, tok gribīs pīfiksēt paguojušū, kab napagaist.”
Jubilejis izruodēs kūpā ar Andri Keišu iz skotivis byus pianists Romāns Vendiņš, gitarists Jānis Kalniņš i itei byus debeja akordeonistam Ādamam Keišam.
23. majā Latgolys viestnīceiba “Gors” sadarbeibā ar Rēzeknis Turysma atteisteibys centru aicynoj iz eipaši veiduotu dīnys programu, kurā apvīnuota piļsātys īpazeišona, pyrma koncerta sarunys i “Sinfonietta Rīga” koncerts.
13 stuņdēs nu Latgolys viestnīceibys “Gors” gida pavadeibā suoksīs ekskurseja pa piļsātu “Rēzeknes vēstures hronikas: Arhitektūra un cilvēki”. Tuos laikā varēs īpazeit viesturyskū arhitekturu i Rēzeknis Zaļuos sinagogys stuostu. Ekskursejis nūslāgumā ebreju soldonumu degustaceja Zaļajā sinagogā.
17 stuņdēs Latgolys viestnīceibā “Gors” byus pyrma koncerta sarunys ar komponistu Kristu Auznieku. Vokora kulminacejā – “Sinfonietta Rīga” 20. sezonys nūslāguma koncerts.
