Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins Lukaševičs, Raibīs (Oskars Orlovs) i Egita Kancāne. Dorbus radejis skaitejumu formā īdzeivynuojuši akteri Juoņs Krūņs, Katrīna Griga, Inga Misāne-Grasberga i īrokstu muokslinīcyskais vadeituojs, kai ari vīns nu bolsu – Kristaps Rasims.

23. majā 22.05 Latvejis Radio 1 eterā Valentina Lukaševiča eseju nu kruojuma “Casnāgu maizeitis” radejis skaitejums. Īrunoj: Kristaps Rasims

Īroksts byus daīmams: https://radioteatris.lsm.lv/lv/radio-teatris/

 

Latgalīšu literaturys radejis skaitejumus taisa Latvejis Radejis Latgolys multimedeju studeja, sasadorbojūt ar latgalīšu kulturys kusteibu “Volūda” i īrokstu studeju “Reiga”, dorba muokslinīcyskais vadeituojs ir Kristaps Rasims, īroksta producente Renāte Lazdiņa, bet projekta vadeituoja Edeite Laime.