Galerejā “Alma” byus apsaverama Reigys Fotografejis bienalis “Next 2025” programā īkļautuo Vikys Ekstys personalizstuode “Bēres Slobodā”. Izstuodis kuratore ir Astrīda Riņke. Dokumentalū video par ituos izstuodis dorbu kopiešonys procesu analogajā foto laboratorejā taisejs Kristians Fukss. 

Vizualuos muokslineicys i pedagogis Vikys Ekstys rodūšais dorbs puorsvorā koncentrejās iz personeigū pīredzi i eksistencialom temom, pīmāram, nūvacuošonu, attīceibom, dzymumu i socialajom lūmom, kai ari Latvejis lauku dzeivis izpieti. Vika struodoj ar fotografeju, video, performanci kamerai i audiovizualūs arhivu izpieti. Vika ir “ADC Young Guns”, “FK Portfolio” i pyrmuos Reigys Fotografejis bienalis (2016) bolvys “Meklējam jauno fotogrāfijā!” sajiemieja. Juos dorbi atrūnami Latvejis Nacionaluo muokslys muzeja, Latvejis Fotografejis muzeja, “VV foundation” i SEB bankys kolekcejuos.