Konkursā lyudzem dalinīkim īsyuteit sovus variantus par tū, kam, ka byutu īspieja, grybātu itū disku izduovynuot. Sajiemem viests, ka ļauds grybātu jaunū disku izduovynuot uorzemu rodim, kab dzierd dzymtū volūdu, veiram, kam tuols ceļš iz dorbu i disks byutu lobuoks paleigs ražeigai dorba dīnai, mamai, kas varātu disku izmontuot vuicūt bārnus, sev pošam, lai varātu klauseitīs, draugim, ar kurim kūpā pīsadaleit spēlēs, i cytim saimis lūceklim.

Tod nu veiksme ir saukta tolkā i pi spieļu latgaliskajim diskim teik: Jana Skrivļa-Čevere, Tenis Bikovskis i Guntis Koniševskis. Sirsneigi sveicam! Ar uzvarātuojim sasazynuosam personeigi.

Puorejim vielejam daudzi nabāduot i gaideit aicynuojumu gostūs – varbyut kaidam draugam sātā ir i rossīs īspieja kūpā pakaitavuot. Prīceigus svātkus!

Paļdis sokam Aigai Jakuškinai-Ādamai par bolvom!