Kulturys dzeive Latgolā /Pi myusim Latgolā!

Kulturys dzeive Latgolā /Pi myusim Latgolā!

Pīduovojam nūsaklauseit producentu grupys SIA „Lietišķā Latgale” taiseituo raidejuma „Pi myusim Latgolā!” raidejumu kulturu Latgolā.

Par folklorys tradicejom raidejumā vaira stuosteis Leivuona nūvoda Bārnu i jaunīšu folklorys kūpys „Ceiruleits” vadeituoja Anna Kārkle, par Rēzeknis Tautys teatra storptautyskajim panuokumim viesteis režisore Māra Zaļaiskalns, nu Latgolys keramikys vacmeistars i dzejnīks Voldemārs Voguls teik izvaicuots par tradicionaluos Latgolys keramikys saglobuošonys problemom. Taipat raidejumā iz sarunu aicynuots ari latgalīšu literats, prozaikis Oskars Orlovs aba Raibīs Suņs kai ari cyti Latgolys regiona puorstuovi.

Raidejumu cykls „Pi myusim Latgolā!” teik taiseits Nacionaluos Elektroniskūs plašsazinis leidzekļu padūmis reikuotuo konkursa „Par raidejumu taiseišonu regionalajūs i vītejūs elektreoniskajūs plašsazinis leidzekļūs, kas raida radeju programys, Latgolys regionā” ītvorūs.

Raidejumu cyklu taisa producentu grupa SIA „Lietišķā Latgale”, pīaicynojūt vītejūs žurnālistus, i da ituo goda beigu planavuots sataiseit ostiņus raidejumus par Latgolys regionā aktualom i nūzeimeigom temom kai administratīvi teritorialuo reforma i tuos ītekme iz īdzeivuotuoju kasdīnu, latgalīšu volūdys aktualizaceja, tautīšu reintegraceja i cytys.

Raidejums „Pi myusu Latgolā!” skaņ pīktdinem 18.00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lvlatgale.lv i i-rezekne.lv.

Karteņā – folklorys kūpa “Ceiruleits” ituo goda folklorys festivalā “Baltica”, foto Edeite Husare