Izīt Jāzepa Pīgožņa saraksteituo autobiografeja “Pēckarš. Krāsas. Jaunība”

LaKuGa 5. Septembris, 2014. gods Comments Off on Izīt Jāzepa Pīgožņa saraksteituo autobiografeja “Pēckarš. Krāsas. Jaunība”

Apguodā „Zvaigzne ABC” izīt Jāzepa Pīgožņa saraksteituo autobiografeja “Pēckarš. Krāsas. Jaunība”, kurā muokslinīks aprakstejs tū, kai četrdasmytū godu beiguos īsarads Reigā, vuicejīs Jaņa Rozentāla muokslys vydsškolā i piec tam Muokslys akademejā, kai dorbuojīs studentu vidis veiduošonā.

JPigoznis_gram_vaksTys ir stuostejums par muokslinīka jauneibys godim, vuiceibom, dākom i kuriozim, nabiedneibom i mīlesteibu. Autobiografeja saraksteita vīgli uztveramā, boguotā i truopeigā volūdā, ar naizseikstūšu humoru i sirsneibu attālojūt vysupyrma bikluo, nu talanteiguo lauku puiškina pavysam najaušū tikšonu Reigys muokslys školā, piečuok – vuiceibys i kasdīnys ceiņu par izdzeivuošonu pieckara Reigā. Ar osu spolvu i lobsirdeigu smaidu Jāzeps Pīgoznis raksturoj i obeju vuiceibu īstuožu pasnīdziejus, i sovus studeju bīdrus – piečuok īvāruojamus muokslinīkus Gunāru Krolli, Borisu Bērziņu, Induli Ranku i cytus.

Tekstu papyldynoj boguoteigys i originalys fotografejis, kai ari muokslinīka agrejūs i vāluokūs muokslys dorbu katalogs.

Viesti sagataveja: LaKuGa piec jazepspigoznis.blogspot.com dūtuos informacejis

Komentari slāgti.