Tartu Universitatē izdūta gruomota par Latgolu

LaKuGa 12. Janvars, 2017. gods Comments Off on Tartu Universitatē izdūta gruomota par Latgolu
Tartu Universitatē izdūta gruomota par Latgolu

Tartu Universitatē izdūta Ketrīnys Gibsonis gruomota “Borderlands between History and Memory: Latgale’s Palimpsestuous Past in Contemporary Latvia”, viestej informaceja Tartu Universitatis sātyslopā.

Gruomota pīduovoj novatorisku redzīni iz viesturis i atmiņu krystpunktim Centraluos i Austrumeiropys pīrūbežys jūsluos. Golvonuo viereiba ir pīvārsta Latgolai. Gruomotys autore kuortu pa kuortai pietej atminis i viesturiskūs stuostus par tū Latvejis vaļsts viesturis grīzumā. Bolstūtīs iz detalizātu nacionalūs i regionalūs muzeju, kai ari materialu, kas dabuoti nu interveju i ekspertu aptauju, analizi, itymā pietejumā teik apsavārts, kai dažaidys organizacejis i projekti vierzej šīs pīrūbežys jūslys sarežgeitū viesturi i rauga tū damāruot myusu dīnom. Autoris nūdūms ir puorkuopt binaruos etnolingvistikys metožu robežys attīceibā iz paguotnis interpretacejom par latvīšu i krīvu attīceibom. Ituo īmesļa deļ tyka izveiduota daudz niansātuoka analitiskuo pietejuma struktura, kas saleidzynoj vaļsts leiminī veiduotus stuostus par paguotnis nūtikšonom, viesturis lūmu vītejūs regionu atteisteibā, Padūmu Savīneibys oficialuos nūstuojis nūtureibu i storptautyskuos iniciativys, kas pliešās puori vaļstu konceptualajom rūbežom. 

Ketrīna Gibsone (Catherine Gibson) ir doktorante-pietneica Eiropys Universitatis institutā Florencē. 2015. godā jei sajēme Londonys universitatis koledžys i Tartu Universitatis magistra grādu Slāvistikā i Austrumeiropys studejuos. Izjemūt viesturiskū politiku, jei veic pietejumus ari taiduos jūmuos kai rūbežys i pīrūbežu jūslys, volūdu politika, storptautyskuos i telpiskuos metodis Krīvejis imperejis zīmeļrītumu i Baļtejis vaļstu viesturis analiziešonā.

Komentari slāgti.