Bolvai “Zelta mikrofons” nomināti ari latgaliski dzīdūši muziki

LaKuGa 17. Janvars, 2017. gods Comments Off on Bolvai “Zelta mikrofons” nomināti ari latgaliski dzīdūši muziki
Bolvai “Zelta mikrofons” nomināti ari latgaliski dzīdūši muziki

Vakar paziņuoti Muzykys īrokstu goda bolvys “Zelta Mikrofons 2017” nominanti. Tūs vydā ari vairuoki latgaliski dzīdūši muziki: “Dabasu Durovys”, “Saucējas” i “Brāļi un māsas”.

Itūgod bolvai īsnīgti 114 albumi, 46 dzīsmis, 66 videoklipi, 32 debitanti i 8 koncertīroksti video formatā, kūpā 266 dasacejumi.

Kai lobuokais pop muzykys albums nomināts grupys “Dabasu Durovys” albums “Pādys runoj”, kura konkurenti ir Dons, kai ari grupys “Rīgas Modes”, “Rock’n’Berries” i “MyRadiantU”.

Nominacejā tautys voi pasauļa muzykys albums izvierteits ari tradicionaluos dzīduošonys grupys “Saucējas” albums “Trīci munu ustabeni!”, kai ari apvīneibys “Brāļi un māsas” albums “Divējādi”, kurymā atrūnamys ari vairuokys dzīsmis latgalīšu volūdā. Vēļ nomināts ari “Auļu” īroksts “Gadalokos”, Vairys Vīkis-Freibergys i Raimonda Tigula kūpdorbs “Vaira” i albums “Trejdeviņi koklētāji”.

Kai vīns nu lobuokajim koncertīrokstim nomināts ari Rēzeknē, Latgolys viestnīceibā GORS, nūtykušuo grupys “ElektroFolk” koncerta īroksts.

Bolvys 19 kategorejuos tiks padūtys 28. februarī Dailis teatrī. Ceremoneju varēs vērtīs tīšraidē Kanalā 2, portalā Skaties.lv, kai ari nadaudz vāluok ari kanalā LNT.

Komentari slāgti.