Afigec, kai raksteit autobusā. Vibrācejis viņ tu vari pamanēt kod uzspīd  pūgu. Fgbuwfgo[/34

Āmen.

Jau tai, šoks pagiva, ka navar rakstiet ni tai ni tai…. ni datorā, ni iz papeira… koč papeirs ir muns meiluokīs dorbgolds ar tekstu.

Vyss treis, leidzeigi kuozu i babys studiņim. Jiutama kotra bedre i amortizatori nav maineiti busam laikam nikod…jiutīs kai bulku puorvodojemejā kastē, tik nasmaržžoj piec bulku. Nasmaržoj ni piec kuo. Tik piec salejušom jakom, i suknem i  pylsātys dubļim. Niule tai smuordinej ir vysur. Eistineibā cylvāka abgierbs smird/dvakoj/aromatizej vaira, kai slapna suņa spolva, voi moza bārna atrauga piec capuma ar pīnu.

Dažreiz sateitūs rudiņa vokorūs pazyud īrostī ceļinīki. Apsastuodynojās šaļteņis i tuos reizis, kurys tu gaidi, kai saldejumu pīcgadeigs bārns,

Nav.

Ni tī cylvāki, ni tei tova pacyluoteibys sajiuta, kod tu jūs ītraugi īkuopjūt voi izkuopjūt…nav… Maņ vairuok ir taida sajiuta, ka maņ jī vysi besej uorā….

Vyspuor tī cylvāki i tī jūs standarta teksti texti ir kai par kopu akminim, par kurim grib rakstēt referatu dūnu spolvu puorjims pyrmkursnīks ar taidom pat ūseņom, kurys par ūsom byutu gryuši nūsaukt.

Plīkoni.

Bet dažreiz, ka nazyni kai parunuot ar sābri, kolegu voi blokim sādātuoju tī teksti ir juostum pa prīkšu ar syltom buļceņom, lai jis vīnu namūt pi tuos dazečer kaids texts – „Kai ta īt?” ; „Nudanuda”; „Emigriešu nu vaļsts”….

Pabraukuoju piec symtu godu ari ar viļcīni Reiga – Zylupe.

 Klasika namierst, koč atmierst čūksta molys. Glauni, glauni bej. Bet tai pat, kai dziļis muokslys, taidu extru vajag viņ acaļaut pa puoreizeitem

Pagaidom vyss.

Nuokušreiz trokuok.

Lītojis syltys i sausys zečis.