Vyss nazkai mīreigi. Voi nu Zīmyssvātki, voi izalīkom normāli strausi pyrma medeibu. Ev, ļauteļi! Te ari twitter.com pazacēle saruna – kas tī taidi „Zīmeiši”? WTF? Otkon kaidys reidzinīku ospruoteibys i izgudruojums?!? Tai jau volūda pylna musura, nā, veļ nazkaidi – Zīmeiši. Jeballo – jebalissimo! Atkluoti sokūt, skaņ gejiski.

Sātā vyss mīreigi, jo TV ir sazamaituojs i veļ pastuov dzela taida, lai jū ratavuotu, nav naudys voi nav laika. Ka ir vīns, to nav ūtra. Principā jemūt, tuo antikrista pītryukst viņ tāvam. Smīkleigi maņ veļ tys, ka atīt gosti voi rodi to replikys taidys – „Kai pi jiusu klusai?!? ”. Tai ir, nui. Maņ atsarūn cyti prīceņi. Vīni nu tīm stuov tepat blokim iz tumbočkys -> A.Čehovs „Stāsti”; Č.Bukowski „Holivuda”, nu i studeju materiāls – Latiņu volūda i Sengreku literaturys antalogeja.

Kas veļ pasmīkleigs? Ā, lakuga.lv komentaru kari . Ite i veļ cytur – [https://www.lakuga.lv/lg/news/comments?id=4360] Da,da mes te ceļom slīdis i gatavejom ešalonus… Reāli! Toč laikam juouzblīž kaidu performanci zam nūsaukuma “Komentaru kari”. Nūsaukums “Kaislības Latgalē” … nā,tys jau nader. Tys jau tai kai aizjimts deļ tīm nūtykumim, kas te pi myusu Drycanūs vaļdej

Pasmīkleigi veļ ir tys, ka jiutūs kai školā voi agrīnajūs studeju laikūs, kod populari beja “Smsbomberi”. Vysmoz maņ itī nūtykumi atsauc tū atminī . Taitod maņ reizi pa reizeitem uzzvona napazeistams telefona nr. Pyrmajā reizē tys beja nazkur piec Luočplieša dīnys. Nu, to – klausīs, kai beja! -> Guļu. Nakts. Laiks ap 01.00. Zvona telefons. Pa mīgam paceļu ->  “Hallo.”  A tī, kas mani izbreinē, skons taids, kai ka valni suok sēkt. Nā, nu valni to pīrosta līta, viņ tys, ka nakts. Nu,ok. Narunoj..nu i navāg. Nūlīku nūst. Tod veļ sekoj mistiskī uzpeikstynuojumi i uzzvaniejumi, kur taipat nateik da dialoga, kur veļ da atbiļžu. Pādejuo reize beja nazkur paguošu nedeli atpakaļ -> Siežu, nazkū rokstu datorī, zvona nazkur radzāts numers. Paceļu, tī meitine “Oskar, lūdzu, pārzvani!”. “Oooo!” – es dūmoju – “Laipni cylvāki.” Puorzvonu…, jo bolss beja satraukts … moš otkon, kas juopestej…moš otkon, kam mašyna juostum…, nu vysaiži varianti var gadeitīs + mani vuordā nūsauce…moš atbrauks gosti ar Gļukveinu, moš nazyn ceļa… zīma tok …nu vysaižuok var gadeitīs! A tī meitinis nūdūmoj – vajadzātu Raibū izjūkuot (sasytom plauksteņis, jo maņ ustobā +14). Atsagrīžom atpakaļ pi temys – taitod, tī meitinis dalīk (piec skona var daprast) nu second telefona īraksteitu “prikoleņu”, kur vīns džeks gruzej ēm…nu nasaprotomi kū, jo tys vyss monologā. Nu jasna, jasna… Lai jau meitinem kojuos ir funny, nūlīku telefonu (jūprūjom īslāgtu) tuoļuok nu seve i turpyoju rakstēt datorī. Pazaklausu, paprosu – “Nivīns narunuos, nā”– Nūspīžu klausuli.

Klausīs tuoļuok -> pīzvona vēl i latgaliski nūsoka “Laiks vokora puosokai!”. “Ō, jā!” – nūdūmoju es. Bet tī meituškom reāls Fail, uzlīk CD “Latgalīšu puosokys i puorsokys” ar manis īrunuotū puosoku. Tai kai es sovu bolsu asu dzierdiejs i itymā puosokā i cytūs īrokstūs, i mani navar puorsteigt ar tū – “pazaklaus cik Tev smīkleigs bolss, moš naasi dzierdiejs” – to otkon nūlīku (naizslāgtu tel.,) drusku tuoļuok, i turpynoju raksteit datorī. Tuoļuok var dzierdeit, ka muns bolss nav daž puosokai da pusis tics i pazakar iz Pause, klusums, es prosu – “A, tuoļuok?” – Nav atbiļdis.

Nu, nikuo, nikuo. Ar klusumu runuot es varu i sovā ustobā, na ar mistiski bezatbiļžu variantu telefonā. Plus vēl īzazoga suopeite – “A, moš meitinem kaida ZZ, voi O karte… iztērēs kredita naudeņu – kū tod?!” Tai, beja juolīk nūst. Kūpumā atzeistu – ni maņ tī godi, deļ taidu jūceņu, ni es jūs saskotu par gudrim asom. (ļaunijenotsmīkly2). Lai maņ leidzeigi zvoni natrauceitu pabeigt īsuoktū, tymā vokorā telefonam sataisieju Shut down.

Tai, vot i dzeivojom.

Tuoļuokīs ir na smīkleigīs, bet atziņa voi foršums.

Vyspuor, tagad asūt pyrmajam kursam i kluotīnē, ir/byut interesanti. Nazkaida cyta vieršonuos iz pīduovuotajuom zynuošonom. Jau dažys kursabīdrinis ir izjāmušys dokumentus i niule laikam sepinej par zaļu dzeivi U.K, voi cytā republikā. Kas kuram.

A kurss kūpsummā taids pasmīkleigs. Vuorda lobuokejā nūzeimē

I veļ kas – par 1.00 Ls nūpierku 36 kruosainus zeimuļus Waršovys Vuoverei.

P.S – vot naforši saguo – Vuoveris epizods Nr.4 ir nazkur propuļs, tod byus Nr.4.1 … laikam vajadātu kaidu tyvojūšūs svātku motivu i nūskaņis. Redzēs.

Čau, kačeiši!