Īprīkšejuos, piedejuos breivdīņys saguo tipiski – natipiskys. Apmāram tai, kai vydškolā, ka varē mīrā gulēt da pušdiņu. Tai i niule nūpampu obys dīnys da 11.00. Daž bez balleitis pīktdinē. Ilguok par vīnpadsmytim navaru, tod mugora suop, jo nav tī godi. Plus prīceņš, ka muna ustoba palykuse syltuoka, laikam +18 grādi, jo viejs niule pyuš virtuvis i “mierstamuos ustobys” (munys saimis humoreņš) pusē. Normāls zīmys dzeivūklis, kur prīcojūs, ka vyss dzeivūlkis ir kai saucamuo soltuo ustoba dzeravņu sātuos – taidā veidā ļauds soka, ka soltumā mīsa lobuok sazagloboj

Seseja nūlykta. Niule jauns cielīņs. Tik juopīrūn pi jaunuo lekceju grafika. Sesejis laiks, kai jau sesejis laiks. Soltys nakts, čajs, buļjončiks i roltonu zupeņis gastritam par prīku. Vyslatvejis statistikā tok jau pazaruodātu taidi fakti, ka taišņi piec studejom kotrs trešīs slymoj ar itū kaiti. A zam reālu vacumu varēs tod izveiduot sovu dūmubīdru puļceņu, tīpat iz sātys sūleņu pogolmā, i verūtīs iz jaunuotni, atguoduot  “tūs lobūs laikus”. Runojūt par – tīm lobajim laikim – kuortuodams sova datora HD atrodu mapeiti “Laidiinjs Kukuzji”. Mdaaa. Ir daži raidejumi sazaglobuoši, kur ar Einaru raudzēm taiseit raidejumu…nu nu suokuma smīkleigi, bet … nu golu golā ir kū smigniedamam puorzaklauseit. Nostaldžī, tai teikt. Eh…

Bet kūpumā gods suocīs nazkai ni tai. Maņ ta biedeigs gorastuovīklis byus da kaida ta marta…. bet vaļstī vysi mierst. Pazaklaus apkuort…. oi! Suokūt ar slaveneibom, beidzūt ar prostim dzeravņis ļaudim. Džeksonam, verīs, veļ niule naļaun mīreigi kopā īzakuortuot. Bet nu, žurnalistim tož maizeite garšoj i kotru godu vīnā datumā tiks sludynuots – Vot jau tik i tik godu bez taida i taida cylvāka, kas beja …… –

Vyspuor es asu nainteresants cylvāks. TV  ar godu stāžu ignoreju, regionalū avīzi naoboneju,  viņ radeja i nets, kur netā aš ziņu portalūs īkleistu puordīnuos, na kotrys 15 minotys, kai “tymūs lobejūs laikūs”. Variacejis atīt leidz ar kotru cylvāku, kas tev taidu voi itaidu ziņu puorstuosta. Maņ tai interesantuok.

Šudiņ sazaskuoru veļ ar tū, ka cylvākim ABSOLŪTI interesej cytu dzeive i cytu dzevis plani, koč pošim nav nikaidys skaidreibys par sovu. Psc. Veļ tryukst viņ tuo, ka īspīstu rūkā kaidu “Pozitīvuos dūmuošonys psihologeja”, voi “10 steps to your ideal life” gruomotu i nūsacēt : “Klausi mani!”. I,kai vyspuor var īteikt kaidu literaturu nazynūt ūtra cylvāka gaumi i rakursus!

Veļ Drycanu vydškolys 12.klase sovūs žetonūs (05.02.2011.) uzvede munu i Guntix lugu “Vystu klāvs”. Sajiemu vysvysaidys atsauksmis i replikys, bet kūpsummā beja teiri ouk. Deļ vydškolys. Navar praseit jau vaļstiski svareiga teatra snīgumu. Verīs par izruodi “Latgola.lv” ari klejoj vysaidi atbiļžu varianti. Nu, nikuo,nikuo. Koč skotuvis/vērtivis gaismu jei īraudzē. Da, pa munam labi – garumā koč kur iz stuņdis, aba 50-60minotu. Normals laiks. Napaspej apnikt radzātīs i siežamīs ari nasuok tierpt. Tī, kam vajadzē saprast – saprota, tī, kas nasaprota…nu …nu tī nasaprota. Mda, kai sacē vīna draudzine : “Beidzūt juosuok dūmuot”.  Ak,jau…  Nu, tai i vyss leluokajai daļai sabīdreibys īpūtāts, i turpynojās tei pūteišona. Ja, kas īt nu Latgolys tam juobyut smīkleigam… whatever kas tī  : muzyka, kinys, literatura, i.t.t ….

Ite vairuok par literaturu Saprge lopā – http://www.naktineica.lv/?p=5035

Tymuos pošuos luguos… OBLIGĀTI juobyut komedejai….i kaidi tī cylvāki atveiduoti (kai pīmāram “Latgola.lv” ) ???… vysi veči, dzāruoji voi babeņis, prūtams, īstorpynuots kaids tizlys jūks, par kuru juozasmej, obligati šmakovkys dzeršona, i.t.t. Nu, jā..tai ir.. bet es grybātu i dramu, i traģedeju latgaliski…moš es parauduot latgaliski grybu, na viņ smīt par tū, kai otkon iz skotuvis apsadzierīs dzāruojeņš taisa “pigōrus”. Prūtams iz Latgaliskuom komedejom īt cylvāki, jo bileti juopuordūt,  bet….

Juosuok zeimēt jaunys Varšovys vuoveris. Pa seseju beja gryuši tū izdarēt, i pi muna dzeivūkļa  attīceiguos neleluos temperaturys, ari. I vyspuor maņ tracynoj uorā – Times New Roman. Tik jau sterils šrifts, ka vemt gribīs.

Gaideisem syltuoku laiku i breinumeņu zam snīga.

Grybu zaļu na boltu.