Vakar beja cīši atbylstūša zīmys dīna. Lai raksteitu Wuordā, vyslaik juolīk kekši sadaļā Language par lobu āfrikāņim, koč ari ar jīm daže futbolu nikod naspieļuosim.

Dīna jauka aiz tuo, ka otkon zīma i saule. Vysmoz es tai dūmoju, ka saulei cīši labi dastuov zīmai.

Zeimēt ar malnu tušys pyldspolvu iz sovom A4 pīrokstu lopom ir amizanti. Klauseitīs, kai lopa uzsyuc tinti, sekuot sovom zeimātuom linejom, ļaut zemapziņai vadēt rūku, tod vērtīs, kas golu golā saguo. Tai, gon…. na saīt, bet saguo.

Žāl vīneigi kača Almys, kai jai nabogam nervi apāsti, deļ sučku zeiliešu, kas laikam atkūdušys fišku i specialai terorizej juos nervus.

Vyspuor piedejā laikā taidi … nu, interesanti sapyni. Bet es naizmontoju ‘’Sapynu tulku’’, es vnk jūs pīrokstu. Ja tū atguodoju izdareit. Piedejīs beja interesants par maņ uzduovynuotū takšveida suni ar vuordu Trešīs Reihs. Var variēt i dūmuot, kurš uzvuords i vuords

I veļ es publiski atzeistu, ka asu vampirs. Nui,nui,ņam,ņam. Taidā ziņā, ka maņ cīši pateik pa dzelai parunuot, pačatuot i raksteit viestulis. Bet fakinīs Twītlaits ir samaituos par jīm vysu prīkšstotu…nakai tū izdarē  “Interveja ar vampiru”… i maņ pateik žabo.

Bet šudiņ… šudiņ. Jau juosuok i lomuotīs. Zynu, ka Vaļukim vuordadīna i pazeistu taidus treis. Vīnam viņ nu jīm zynu telefona numeri.

Maņ itī adoptātī svātki nikod nav patykuši. Taipat kai Helowīni, kur tulkuojumā ir atkluots aicynuojums dzert veinu. A 14.ferbaļī brutāli juoštopej šokolada produkceja. Itī svātki vysvairuok pateik babeņom puču tiergūs i jaunom puču puordeviejom, kur vairuokums veirīšu pierk pučis sovai ļubimajai i papyldus mozu neļkeiti tai pošai puordeviejai. Jei prīceiga ir pyrmajā reizē, bet pučis šudiņ juopuordūd ar uzveju i nikaidu atlaidu nabyus. Fak, jū!

Ja kurš gryb pastyprynuotu uzmaneibu, lai savuorej syudus sovā bankys kontā i pats lobpruoteigi pīzvona VIDam.

Tī kas draugūs. Lv, gaidom interesantys galerejis ar miļjons rūžu pōzeišonu pi tapešu sīnys, kur atkluoti radzamys izaļurkuojušuos rozetis. I eistineibā tok smogs vokors byus tuom meitinem spaidūt GALERIJAS voi F5, lai atbyldātu iz jaunu komentaru ar – paldiesiņš, Cmuki, Wīīīī. i.t.t. Es atbyldātu, voi komentātu ar ( puke ).

Navarot īzadūmuot, kai sazagribē siļčis ar bīzpīnu, buļvom i seipulym.