Donata dīna i zibiņskonkurss

Kalenders soka, ka 17. februarī juosveic vysi Donati vuorda svātkūs. Koč ari myusu pošu vydā nivīna taida nav, tūmār Donats ruodīs taids kuorteigs latgalīšu veirīša vuords, kam par gūdu nūteikti var sareikuot svātkus!

Cikom senejūs ticejumu orūdi klusej par Donata dīnu, tys natraucej ļusteigā gorā tū nūsvinēt myusu dīnu tradicejuos i izdūmuot koč kū pavysam jaunu, deļ tuo esi aicynuots pīsabīdruot iz Donata dīnys svineibom Reigā, 17.02. 18:00 virtuļu kopejneicā „Ze Donats” K.Valdemara īlā 18 (Valdemara i Dzirnovu īlu pakss) iz „donatim”, kakao i latgalīšu atraktivū golda spēli „Slapanī īnaidnīki”!


Bet, cikom gaidom Donata dīnu, aicynojom pīsadaleit EKSPRESKONKURSĀ!

Leidz 16.02. vokora 22:00 iz ortografeja@gmail.com ar nūruodi „DONATS” atsyuti sovu verseju Donata dīnys ticejumam (pīmāram, „ja Donata dīnā nūteik koč kas, tod piec nedelis byus vēļ nazkaids breinums” ci „Donata dīnā juoīt iz koč kureini, kab byutu tys i tys” itt). Kotrā ziņā – breiva vīta Tovai fantazejai ! Lobuokajam ticejumam bolvā – gords sešu donatu komplekts nu „Ze Donats” i LgSC.

Foto nu škārsteikla plašumim.


Print Friendly, PDF & Email

Komentari

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]