Latgalīša pādi pasaulī: Eiropys celi

Pārnejuo goda juņa suokumā “Latgolys Studentu centrs” Reigā atkluoja jaunu tematiskūs pasuocīņu sereju – sarunys ar latgalīšim-pasauļa apceļuotuojim “Latgalīša pādi pasaulī”. Pyrmajā tematiskajā vokorā par sovu pīredzi, dzeivojūt uorpus Latvejis, pasadaleja divi fizmati Laura i Guntis, ar kuru paleidzeibu klauseituoji varieja aizceļuot iz Vuoceju i Kazahstanu, īsapazeistūt ar breivpruoteigūs gaitom itymuos vaļstīs, ūtrā reizē septembra beiguos kūpā ar Vitu i Ilzi devomīs iz Balkanim – ar stopim iz Bosneju i Hercegovinu, bet īprīškejā reizē caur Voldemāra i Maritys stuostim kleidom zynuotniskuos ekspedicejuos Krīvejis plašumūs.

23.02.2011. kuortejuo reize virtualam ceļuojumam! 18:30 esi aicynuots gostūs iz Tonis biroju i īsapazeit ar Egitys, Raita, Edeitis i Muorys stuostim par myusu pošu Eiropu.

„Latgalīša pādi pasaulī” ir mieginuojums izzynuot pasauļu nu cytu latgalīšu skotu punkta: kulturu sovpateibys, vītys, kas juoradz, cylvāki cytuos zemēs i vēļ i vēļ!

Bīdreibys 2008.- 2011. goda darbeibys programu atbolsta Islande, Lihtenšteina i Norvegeja EEZ finanšu instrumenta i Norvegejis finanšu instrumenta ītvorūs, i Latvejis vaļsts ar Sabīdreibys integracejis fonda storpnīceibu.

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]